A Umana Kakailai 68:2-9

²Da ra vuvu i kap vue ra mi, damana una korot vue diat; Da ra bulit na livur i polo ta ra iap, Damana ra umana tena varpiam diat a virua ta ra luaina mata i God.

³Boina ba ra umana tena takodo diat a ga; Boina ba diat a gugu mat ta ra luaina mata i God; Maia, diat a gugu ma diat a ga.

⁴Avat a kakailai tadav God, avat a kakailai na pite varpa tadav ra iangina; Avat a mal ra bo na nga ure nina i vutvut bolo ta ra bil; A iangina “Ra Luluai”; ma avat a gugu mat ta ra luaina matana.

⁵God ta kana pal tabu I da ra tutana ba na vamel ra nat na ling, Ma ia ra tena varkurai ba na mari ra umana ua na vavina.

⁶God i vaki ra kekene ta ra pal, I pala vue diat dia ki ra pal na banubat, ma i tavua kadia tabarikik. Ma ra pue ngangar na ki ta ra gunan i maramararang.

⁷God, ba u ga lue rap kaum tarai, Ba u ga bolo ta ra bil; Sela.

⁸A gunan i ga guria, A umana bakut dia ga bura ta ra luaina mata i God, Maia, Sinai akanama i ga dadadar ta ra luaina mata i God, a God kai Israel.

⁹U, God, u ga tul tar ra ngala na bata, Ma u ga valagar kaum gunan ba i ga talatalanguan.