A Umana Kakailai 66:6-18

⁶I vaenana pa ra ta, ma i da ra pia mage; Dia tinur bolo ko ta ra lubu; Abara ave. ga gugu tana.

⁷I varkurai vatikai ma ra dekdekina, A matana i makmakile ra lavur Tematana; Koko ra tarai na varpiam diat a vangala pa diat mulai. Sela.

⁸Avat a lavur vuna tarai avat a pite pa kaveve God, Ma avat a taorong ma ra tinata na pite varpa pirana;

⁹Nina i tar valaun avet, Ma pa i nur tar ia ba ra kau i vevet na tagalir.

¹⁰Tago u, God, u tar valar avet, U tar tun vagomgom avet, da di tun vagomgom ra silva.

¹¹U tar akir avet; U tar vako tar ra mamat na kinakap ta ra tamuru i vevet,

¹²U ga tul tar ra tarai upi diat a vutvut rua taun ra ulu i vevet; Ave tinur bolo ta ra iap ma ta ra tava; Ma u ga ben vairop avet, ma u vaki avet ta ra gunan na gugu.

¹³Ina ruk ta ra kubam ma ra tinabar di tun tar ia, Ina pait ot pa kaugu umana vavalima piram,

¹⁴Nina i ga arikai ta ra bul na ngiegu, Ma ra ngiegu i ga vatang diat ba iau ga ki na malari.

¹⁵Ina tul tar ra tinabar tam, nina di tun tar ia, a monoina, Varurung ma ra ang na sip, a tomotoina. Ina tul tar ra umana bulumakau ma ra me. Sela.

¹⁶Avat par ava ru God, avat a mai ma avat a valongore, Ina vaarike ra magit i ga pait ia ure iau.

¹⁷Iau ga kail ia ma ra ngiegu, Ma iau ga pite vangala pa ia ma ra karameagu.

¹⁸Tumu iau nuk pa ra varpiam ta ra balagu, Ra Luluai pa na valavalongor;