A Umana Kakailai 60:1-11

¹Kai nina i lue ra kakailai; a tiun Susan-Edut; a Miktam kai David upi ra vartovo, ba dia varubu ma Aram-Naraim ma Aram-Soba, ma Ioab i lilikun ma i ubu a vinun ma a ura arip na marmar ta ra tarai Edom ta ra male na solt. God u tar vung vue avet, u tar rip vue avet; U tar kulot; boina una valagar pa avet mulai.

²U tar vaguria ra gunagunan; u tar pelegi ia; Una mal mule nina i tapelegi, tago i dadadar.

³U tar vaarike tar ra umana dekdek na magit pire kaum tarai; U tar vamomo avet ma ra tava longlong.

⁴U tar tul tar ra vakilang ta diat dia ru u, Upi diat a lop kan ra panak. Sela.

⁵Upi na langalanga kaum vakak na tarai, Una valavalaun ma ra limam tuna, ma una torom ta vevet.

⁶God i tar tata ma ra gomgom na maukuana; ina manga gugu. Ina tibe Sekem, ma ina valar varbaiane ra male Sukot.

⁷Gilead kaugu, ma Manase kabila kaugu; Epraim bula i da ra kere na vinarubu ta ra ulugu; Iuda kaugu buka na varkurai,

⁸Moab kaugu la na dududur. Ina vue tar ra pal a kaugu tai Edom, Pilistia ina kukula ure u.

⁹To ia na agure vaolo iau ta ra dekdek na pia na pal? To ia na ben vaolo iau ta ra gunan Edom?

¹⁰Dave, God, pa u ga vung vue avet? Ma pa da varagur ma kaveve lavur kor.

¹¹Una maravut avet ure ra ebar; Tago a maramaravut kai ra tarai a magit vakuku.