A Umana Kakailai 50:5-10

⁵Avat a agure pa kaugu lavur tena lotu tadav iau, Diat ba ave ga pait ra kunubu ma ra tinabar.

⁶Ma ra bala na bakut na varvai ta kana mangamangana takodo; Tago God iat i tena varkurai. Sela.

⁷Kaugu tarai, avat a valongore, ma ina tata; U Israel, ina pit u; Iau God, maia, kaum God.

⁸Pa ina pit u ure kaum lavur tinabar; Ma kaum lavur tinabar di tun tar ia dia tur vatikai ta ra luaina matagu.

⁹Pa iau mainge ta tikai ta kaum lavur bulumakau, Ma pa iau mainge bula ra me ta kaum kikil na me.

¹⁰Tago ra lavur leing ta ra pupui kaugu diat, Ma ra lavur vavaguai ta ra arip na marmar na lualuana bula.