A Umana Kakailai 46:2-10

²Kari pa dat a burut; ma ba di vaenana pa ra rakarakan a gunagunan, Ma ba di tak vakari pa ra lualuana ura ra bala na ta, pa dat a burut.

³A ta na kaina urung, ma na tup ia ra top! A umana lualuana diat a dadadar ika ta ra ngala na lubu! Sela.

⁴Tika na tava alir go kari, ma ra tavana i vagugu pa ra pia na pal kai God, Ra pia gomgom, ba ra kubakuba i ra Ngala Kakit i tur tana.

⁵God i ki livuan tana; pa na takari. God na maravut ia ta ra lar.

⁶A umana Tematana dia urung, di tar vamaliara ra umana varkurai; I tatata ka, ma ra gunagunan i polo.

⁷Ra Luluai kai ra lavur kor i ki pire dat; Ra God kai Iakob kada pal na rivarivan. Sela.

⁸Avat a mai, avat a giragire ra lavur papalum kai ra Luluai, A lavur magit na kinaian ba i ga pait ia ta ra rakarakan a gunagunan.

⁹I tur bat ra vinarubu, ma i tuk ta ra mutuai ra rakarakan a gunagunan. I bubur ra panak; i pakat kutu ra rumu; I tun vue ra lavur kiki na vinavana ma ra iap.

¹⁰Avat a ki vovovon, ma avat a nunure ba iau God; Ina ngalangala boko pire ra lavur vuna tarai, Ina ngalangala boko ta ra rakarakan a gunagunan.