A Umana Kakailai 45:9-17

⁹Ta umana vaden, a umana natu i ra umana king, dia ki varurung ma kaum lavur tadar na vavina; Kaum taulai i tur ta ra papar a limam tuna, ma i mong ma ra goled maro ta ra gunan Opir.

¹⁰Ea, u a inip na vavina, una nuk pa ia, ma una valongore; Una nuk vue ra umana niurum ma diat ta ra kuba i tamam;

¹¹Damana ra king na manane ra vakak na matam; Tago ia iat kaum luluai, ma una tul tar ra variru tana.

¹²Ma natu i Tiro, a vavina, na kap vartabar, Maia, ra umana uviana ta ra tarai diat a lul upi una mari diat.

¹³Natu i ra king, a vavina, i ki ra bala na pal na king ma i mamar na kaia; Kana mal di ga vir maravut ia ma ra goled.

¹⁴Ba di ben pa ia tadav ra king na mal ma ra mal na minong, A umana inip na vavina, nina dia talaina me, dia mur ia, Ma da agur pa diat piram.

¹⁵Da agur pa diat ma ra gugu ma ra ngala na gina; Diat a ruk ta ra kuba i ra king.

¹⁶A umana natum diat a kia vue kaum umana ngalangala, Ma una vaki diat upi diat a luluai ta ra gunagunan.

¹⁷Ina tul tar ia ba diat a nuk uraure ra iangim ta ra lavur taun tarai namur; Kari a lavur vuna tarai par diat a pite milat pa u ma pa na mutu.