A Umana Kakailai 39:1-6

¹Kai nina i lue ra kakailai, kai Iedutun; a kakailai kai David. Iau ga biti: Ina kure mal ra maukuagu upi koko ina rara ma ra ngiegu. Ba ra tena varpiam i ki ta ra luaina matagu, Ina balaure mal ra ngiegu, vada di kaman bat ia.

²Iau ga ki mut uka, pa iau ga tatike ta magit, patana tuna; Ma i ga ligur tuna ra balagu.

³A balagu i ga malamalapang, Ma ba iau nununuk boko, a iap i ioaio; io, iau ga tatike ra dari:

⁴Luluai, una vateten tar ra mutuai kaugu nilaun tagu, Ma aivia ra bung boko ba ina laun tana; Boina ba ina nunure ba iau panie vanavana ka.

⁵Ea, u tar vaikilik pa kaugu nilaun upi na da ra ura tababa na lima ka, Ma kaugu kini ati ra pia i da ra magit vakuku ta ra matam; A dekdek na tarai par dia varogop uka ma ra magit vakuku tuna. Sela.

⁶Diat par tikatikai dia vana vurvurbit da ra malalar i ra magit ika, Dia ngarangarao upi ra magit vakuku ka; Dia lu varurue tabarikik, ma pa dia nunure ba to ia na kale pa ia.