A Umana Kakailai 38:12-21

¹²Diat bula dia mainge ba ina virua, dia kapi kun ure iau, Ma diat dia mainge ba ina kadik, dia vatang ra vinirua, Ma dia nununuk ta ra vartuam ra bungbung parika.

¹³Ma iau da ra vaut, pa iau valavalongor, Ma iau da ra bombom na tutana ba pa i tatata.

¹⁴Maia, iau da ra tutana ba pa i valavalongor, Ma pa ta tinata na varbat i irop ta ra ngiene.

¹⁵Tago, Luluai, iau ki nunur tam; Una ga torom, Luluai kaugu God.

¹⁶Tago iau ga biti: Kan diat a gugu ma iau, Ba i tagalir ra kaugu, dia malamala luluai piragu.

¹⁷Tago iau to na bura ka, Ma iau lingligur vatikai.

¹⁸Tago ina varvai ure kaugu varpiam, Na tabun ra balagu ure kaugu nirara.

¹⁹Ma kaugu umana ebar dia ongor ika ma dia dekdek; Ma ra kor diat, dia milmilikuane varara iau.

²⁰Diat bula, dia bali ra boina ma ra kaina, Diat kaugu umana ebar, tago iau mur ra bo na mangamangana.

²¹Luluai, koko una vana balakane iau, U kaugu God, koko una ki vailik kan iau.