A Umana Kakailai 31:3-11

³Tago u kaugu vat i ta ma kaugu pal na bakbakit; Ma ure ra iangim una ben iau, ma una tovo tar ra nga tagu.

⁴Una pala vue iau kan ra kun, nina di kapi ive upi iau; Tago u kaugu dekdek na pal na bakbakit.

⁵Ina nur tar ra tulungeagu ta ra limam; U tar kul valaun iau, Luluai, u ra dovot na God.

⁶Iau milikuane diat dia nuk pa ra lavur magit vavaongo; Ma iau nurnur uka tai ra Luluai.

⁷Ina gugu ma ina manga ga ta kaum varmari, Tago u tar gire ra magit i monong iau; U tar matoto ta ra lavur mangana i tup iau.

⁸Ma pa u ga tul tar iau ta ra lima i ra ebar, U tar vung ra kaugu ta ra pakana i maup.

⁹Una mari iau, Luluai, tago i tup iau ra nginarao; A matagu i papait na bilua ma ra tinangi, maia, ra tulungeagu ma ra pakagu bula.

¹⁰Tago iau vapar vue kaugu nilaun ma ra niligur, ma kaugu lavur kilala ma ra niriri; A dekdekigu i par vanavana ure kaugu varpiam, ma ra umana urugu dia panie.

¹¹Tago i mangoro kaugu umana ebar, iau da ra magit na milmilikuan, Maia pa, ra umana talaigu dia manga milikuane iau, ma ra umana turagu dia burutue iau; Diat dia ga gire iau, dia vilau kan iau.