A Umana Kakailai 25:5-13

⁵Una rap lue iau ta kaum dovot na mangamangana, ma una tovo iau; Tago u God, kaugu tena valaun, Iau kiki ung up u ta ra bung parika.

⁶Luluai, una nuk pa kaum bala na varmari ma kaum lavur varmari; Tago dia tur papa amana iat.

⁷Koko una nuk pa kaugu lavur nirara, ba iau ga barmana, ma koko una nuk pa kaugu lavur mangana varpiam; Luluai, una nuk pa iau vardada ma kaum varmari; Ma ure kaum bo na mangamangana una nuk pa iau, Luluai.

⁸Ra Luluai i boina ma i dovot, Kari na tovo ra umana tena varpiam ure ra nga.

⁹Na rap lue diat i madu ra bala i diat ta ra mangamangana takodo, Ma na tovo tar kana mangamangana ta diat i madu ra bala i diat.

¹⁰A lavur mangamangana kai ra Luluai dia vuna ta ra varmari ma ta ra dovotina Tadav diat dia mur kana kunubu ma kana lavur vartuluai.

¹¹Luluai, ure ra iangim Una nur vue kaugu varpiam, tago i ngala.

¹²To ia i ru ra Luluai? Ra Luluai na tova ure ra nga, nina ba na pilak pa ia.

¹³la iat na ki mamal, Ma ra umana bul mur tana diat a kale ra gunan.