A Umana Kakailai 18:1-12

¹Kai nina i lue ra kakailai; kai David a tultul kai ra Luluai, nina i ga tatike ra lavur tinata ta go ra kakailai pire ra Luluai, ta nam ra bung ba ra Luluai i ga valaun ia tana kan ra lima i kana umana ebar ma kan ra lima i Saul, ma i biti: Luluai, ra dedekigu, iau mari u.

²Ra Luluai ia kaugu vat i ta, kaugu pal na bakbakit, ma kaugu tena valaun; Kaugu God, kaugu padikat na vat i ta, ina rivarivan tana. Kaugu ramravit, ma ra dekdek iau lalaun tana, kaugu pal na rivarivan i manga tuluai urama.

³Ina kail tadav ra Luluai, nina i topa ia ba da pite pa ia, Ina laun kan kaugu lavur ebar.

⁴A umana vinau na minat dia ga rau kikil iau, Ma iau ga burut ta ra varpiam i da ra lovon ta.

⁵A umana vinau na ruarua na tulungen dia ga viviai tagu, A lavur kun na minat dia ga tadav iau.

⁶Iau ga kail tadav ra Luluai ba iau ga ki na malari, Ma iau ga tangi tadav kaugu God; I ga valongore ra nilaigu ta kana pal tabu, Ma kaugu tinangi ta ra luaina matana i ga ruk ra talingana.

⁷A rakarakan a gunagunan i ga dadar ma i ga guria, A vunapai ra lualuana bula i takari ma i dadar, tago i ga kankan.

⁸A mi i tubang rikai ta kana kankan, Ma ra iap ta ra ngiene i ga vavaimur; A umana lakit dia ioaio tana.

⁹I ga lele ra bakut bula ura ra pia, ma i ga kuba; A ngala na bingnimuna i tur ta ra vavai ra kauna.

¹⁰Ma i ki ra ul a angelo, ma i pururung; Maia pa, i pururung lulut ta ra ul a bebea i ra vuvu.

¹¹I ga paraparau ta ra bobotoi, nam kana bakbakit kikil ia; A umana korong na bakut, a umana ivarat arama ra maup.

¹²A bata na vatvat ma ra lakit I irop kan ra talapar ta ra luaina matana. Ma i bura doladolo kana lavur ivarat;