A Umana Kakailai 16:1-11

¹A Miktam kai David. Una vaale bat iau, God, tago iau rivarivan tam.

²Iau tar tatike tai ra Luluai dari: U kaugu Luluai; U kaka ra bo na magit ba iau vatur vake.

³Ma ure ra tarai na viviliai ta ra gunagunan, Dia ko vurakit, iau gugu tuna ta diat.

⁴Diat dia kia vue ra Luluai ma ta enana god, na pepeal kadia lavur niligur; Pa ina tul tar kadia umana tinabar, a nimomo na gap, Ma pa ina vatang ra iang i diat ma ra ngiegu.

⁵Ra Luluai ia kaugu tiniba ma ra agu nimomo; U tar mal vake kaugu tiniba.

⁶Di tar valarue kaugu tiniba ta ra vakak na gunan, Maia pa, kaugu tiniba i boina tuna.

⁷Ina pite pa ra Luluai, nina i tar tovo iau; Maia pa, a balagu i tar vateten iau ta ra marum.

⁸Ra Luluai i tur vatikai ta ra luaina matagu, Pa ina takari, tago i tur ta ra papar a limagu tuna.

⁹Kari a balagu i ga, ma ra tulungeagu i gugu; A pakagu bula na ki bulu.

¹⁰Tago pa una nur tar ra tulungeagu tai ra ruarua na tulungen, Ma pa una tul tar kaum tena lotu upi na nunure ra mareng na minat.

¹¹Una ga vateten iau ta ra nga na nilaun; I ngala mat ra gugu ta ra luaina matam, Ma ra gina ba pa na mutu i tur ta ra limam tuna.