A Umana Kakailai 147:1-15

¹Avat a pite pa ra Luluai. Tago i kat ba da kakailai tadav kada God; Tago ia ra tena varmari, ma ra pite varpa i topa ia muka.

²Ra Luluai i vatavua Ierusalem; I ben varurue ra tarai Israel, diat di ga korot varbaiane vue diat.

³I valagar pa diat i takunuan ra bala i diat, Ma i pulu kadia lavur kinkin.

⁴I luk valar pa ra lavur tagul, Ma i vatang valar pa diat par ma ra iang i diat.

⁵Kada Luluai i ngala tuna, ma i dekdek muka; Pa ta langun ta kana minatoto.

⁶Ra Luluai i maravut diat i madu ra bala i diat; Ma i vaki vaba ra umana tena varpiam ura ra pia iat.

⁷Avat a kakailai tadav ra Luluai ma ra pite varpa, Avat a pite pa kada God ma ra pagol;

⁸Nina i vaki ra umana bakut ta ra maup, I vaninare ra bata ure ra rakarakan a gunagunan, Ma i vatavua ra vura ta ra lualuana;

⁹I tabatabar ra umana leing ma ra adia nian, Damana bula ra umana nat na kotkot ba dia tangtangi.

¹⁰Pa i gugu ta ra dekdek i ra os, Pa i ga ta ra ngala na kak i ra tarai;

¹¹I gugu ka ta diat dia ru ia, Ta diat dia nurnur ta kana varmari.

¹²Ierusalem, una pite pa ra Luluai; Sion, una pite pa kaum God.

¹³Tago i tar vapadikat ra lavur okobat ta kaum umana matakilalat. I tar vadoane ra umana natum piram.

¹⁴I tul tar ra malmal ta kaum langlangun, I tabar vamaur u ma ra kon i manga tubu.

¹⁵I tulue vaarike kana vartuluai ta ra rakarakan a gunagunan; Kana tinata i vutvut tuna.