A Umana Kakailai 144:4-15

⁴A tarai dia varogop ma ra magit vakuku; Kadia kini ati ra pia i da ra malur i papaniai.

⁵Luluai, una lele ra bakut, ma una kuba; Una tuk ra umana luana, ma diat a mi.

⁶Una pala ra meme, ma una korot varbabaiane diat; Una tulue vaarike kaum lavur pu, ma una uvia pa diat.

⁷Una tulue vaba ra limam marama; Una valaun iau, ma una al vairop iau ta ra ngala na tava; Kan ra lima i ra umana vaira,

⁸Nina dia tatike ra tinata vakuku, Ma kadia vavalima a vavalima vavaongo.

⁹Ina kaile ra kalamana kakailai tadav u, God; Ina ubu ra pagol ba a vinun na vinau tana, ma ina kakailai na pite varpa piram.

¹⁰I tul tar ra niuvia ta ra umana king; I valaun David kana tultul kan ra pakat na vinarubu.

¹¹Una valaun iau, ma una valangalanga iau kan ra lima i ra umana vaira, Nina dia tatike ra tinata vakuku, Ma kadia vavalima a vavalima vavaongo.

¹²Boina ba ra umana natu i dat, a umana barmana, diat a da ra umana kuluban; Ma kada umana bul vavina diat a da ra umana vat na ngu na pal, di mut mal diat upi diat a topa ra pal na king;

¹³Boina ba dat a vung rede ta ra lavur mangana tabarikik, Ma ra umana sip ta kada umana gunan diat a kava vue ra umana arip na marmar ma ra umana vinvinun na arip na marmar;

¹⁴Boina ba na ngala ra magit kada umana bulumakau dia puak ia, Ba pa ta kamara, ma pa ta vinarubu, Ma pa ta tinangi ta ra bala na gunan.

¹⁵I ti doan nam ra tarai ba dia ki mamal dari; Maia, i ti doan ra tarai ba ra Luluai kadia God.