A Umana Kakailai 144:2-8

²Ra Luluai ia kaugu varmari ma kaugu dekdek na pal na bakbakit, Kaugu dekdek na pal i manga tuluai urama, ma kaugu tena valaun; Kaugu ramravit, ma nina iau nurnur tana; Nina i vamadudur pa kaugu tarai tagu.

³Luluai, ava ra tarai upi una nuk pa diat? Ba ra umana natu i ra tarai upi una torom ta diat?

⁴A tarai dia varogop ma ra magit vakuku; Kadia kini ati ra pia i da ra malur i papaniai.

⁵Luluai, una lele ra bakut, ma una kuba; Una tuk ra umana luana, ma diat a mi.

⁶Una pala ra meme, ma una korot varbabaiane diat; Una tulue vaarike kaum lavur pu, ma una uvia pa diat.

⁷Una tulue vaba ra limam marama; Una valaun iau, ma una al vairop iau ta ra ngala na tava; Kan ra lima i ra umana vaira,

⁸Nina dia tatike ra tinata vakuku, Ma kadia vavalima a vavalima vavaongo.