A Umana Kakailai 139:10-24

¹⁰Abara bula a limam na ben iau, Ma ra limam tuna na vatur vake iau.

¹¹Ba iau biti: A dovot, kan ra bobotoi na nonoe bat iau, Ma kan ra kapa kikil iau na marum uka;

¹²Ra bobotoi iat pa i noe bat iau tam, Ma ra marum i pupua da ra keake; A bobotoi ma ra kapa dir par dir varogop piram.

¹³Tago u iat u ga mal pa ra balagu, U ga pakan guve iau ta ra bala i nagu.

¹⁴Ina pite pa u tago u ti enana kakit, Ma kaum lavur papalum dia enana muka; Ma ra balagu i nunure bulu.

¹⁵A urugu pa i tur ivai kan u Ba di mal vapidik iau, Ma ba di alur kapi iau ara iat ra bala na pia.

¹⁶A matam i tar gire ra pakagu ba pa i ko boko; Ma di ga tar tumu ra lavur bung par ta kaum buk, Maia, a lavur bung di ga kubu diat, Ba pa ta na boko ta diat i ga vana rikai.

¹⁷God, kaum lavur nuknuk dia ngatngat piragu, Dia vurot muka.

¹⁸Gala ina to diat, gala na tup ia ma ra veo pata; Ba iau tavangun iau ki boko piram.

¹⁹God, boina ba una ubu ra umana tena varpiam! I boina avat a vana kan iau, avat a umana tena vardodoko.

²⁰Tago dia tut na varpiam ure u, Ma kaum lavur ebar dia vatang ra iangim.

²¹Luluai, pa iau milmilikuane vang diat dia milikuane u? Ma pa i takunuan ra balagu bar ure diat dia tut na varpiam ure u?

²²Iau milikuane diat ma ra milmilikuan tuna; Ave ki na ebar ma diat.

²³God, una pepeng ta ra balagu, ma una matoto ta ra nuknukigu; Una valar pa iau, ma una matoto ta kaugu lavur ninunuk;

²⁴Ma una gire ba ta kaina mangamangana tagu, Ma una ben iau ta ra nga na nilaun tukum.