Text copied!
CopyCompare
A BUK TABU A MAULANA KUNUBU ma A KALAMANA KUNUBU - A Tena Varvai - A Tena Varvai 7

A Tena Varvai 7:3-13

Help us?
Click on verse(s) to share them!
3A niligur i boina ta dir ma ra gugu; tago da vapatuan ra bala i tikai ta ra tinabun.
4A bala i nina dia kabinana i ki ta ra pal na tinabun, ma ra bala i nina dia papaua i ki ta ra pal na malagene.
5Ba di valongore ra varpit kai ra umana tena kabinana, nam i boina ta dir ma ra kakailai kai ra umana papaua.
6A ninongon kai ra papaua i da ra pirpiriringa na kait ta ra vavai na kabala. Go bula a magit vakuku tuna.
7Tago ra tena kabinana i valunga ia iat mulai ba i ki taun ra tarai, ma di vakaina ra minatoto ta ra kul varbat.
8A mutuai ra magit i boina ta dir ma ra turpaina, ma ra kini vovovon i boina ta dir ma ra kolakolo na ninunuk.
9Koko una kankan lulut; tago a varvakankan i ki rokot ta ra bala i ra umana lunga.
10Koko una titir ure ra vuna ba nam i tar par i boina ta dir ma ra magit go ieri; a tinir kai ra lunga nam.
11A kabinana i boina da ra tiniba di kale vake, a magit nina a tarai dia kale ra boina tana.
12Tago a kabinana ia ra rivarivan da ra mani; ma ra minatoto i pait ra magit i manga boina ta dir ma ra boina nina ra mani i pait ia; a kabinana i valaun pa nina i kale pa ia.
13Una nuknuk ure ra papalum kai God; to ia na pait valar pa ia ba na vatakodo nina ba i ga vagega?

Read A Tena Varvai 7A Tena Varvai 7
Compare A Tena Varvai 7:3-13A Tena Varvai 7:3-13