Text copied!
CopyCompare
Le Devleskero Lav Andre Romaňi Čhib 2019 - 4. Mojžišoskero - 4. Mojžišoskero 25

4. Mojžišoskero 25:6-13

Help us?
Click on verse(s) to share them!
6Ipen akor, sar paš o vudar le Sentne Stanoskero rovenas savore Izraeliti the o Mojžiš, avľa varesavo Izraelitas la Midijaňika džuvľaha andre peskero stanos angle lengere jakha.
7Sar oda dikhľa o Pinchas, le Eleazaroskero čhavo, saveske sas papus o Aron, ušťiľa lendar a iľa andro vast e kopija.
8Geľa andro stanos ole Izraelitaskero, savo anďa ola džuvľa, a sodujen jekhetane predemaďa la kopijaha, sar pašľonas. Avke sas zaačhado o nasvaľiben maškar o Izraeliti,
9ale 24 000 manuša mule pre kada zoralo nasvaľiben.
10O RAJ phenďa le Mojžišoske:
11“Vašoda, so kerďa o Pinchas, me imar na som buter choľamen pro Izraeliti. Ov na kamelas, hoj o manuša te lašaren avre devles, ča man, a vašoda len na zňičinďom andre miri choľi.
12Phen le Pinchasoske, hoj leha phandava smiromoskeri zmluva, so ľikerela pro furt.
13Ov the leskere potomki ena pro furt andre rašajiko služba, bo igen labolas pal o Del a oleha, so kerďa, obžužarďa le Izraeliten, hoj lenge te odmukav.”

Read 4. Mojžišoskero 254. Mojžišoskero 25
Compare 4. Mojžišoskero 25:6-134. Mojžišoskero 25:6-13