4. Mojžišoskero 22:16-20

¹⁶On avle ko Bileam a phende: “Kavke vakerel o Balak: ‘Mangav tut, ma zľiker tut, ale av ke ma!

¹⁷Počinava tuke igen mištes a kerava savoro, so mange pheneha. Av a prekoš kale manušen!’ ”

¹⁸Ale o Bileam odphenďa le Balakoskere sluhenge: “Te man o Balak diňahas ajci rup vaj somnakaj, keci ča rešľiľahas andre leskero palacis, the avke našťi ňič kerav, aňi baro aňi cikno. Mušinav te šunel le RAJES, mire Devles, andre savoreste!

¹⁹Ačhen ade prekal e rat, hoj man te dodžanav, so mange mek o RAJ phenela.”

²⁰Rači o Del avľa ko Bileam a phenďa leske: “Te tut kala murša avle te vičinel, ušťi a dža lenca. Ale ker ča oda, so tuke phenava.”