Text copied!
CopyCompare
Le Devleskero Lav Andre Romaňi Čhib 2019 - 4. Mojžišoskero - 4. Mojžišoskero 10

4. Mojžišoskero 10:8-36

Help us?
Click on verse(s) to share them!
8Pro trubi trubinena le Aronoskere čhave, o rašaja. Kada tumenge ela zakonos pro furt pre savore pokoleňja.
9Sar imar avena andre peskeri phuv, a te džana andro mariben le ňeprijaťeľiha, savo pre tumende ispidela, zatrubinen pre kala trubi. Akor me, o RAJ, mange pre tumende leperava, pomožinava tumenge a zachraňinava tumen le ňeprijaťeľendar.
10Andre ola dživesa, sar oslavinena – ešebno (peršo) džives le neve čhoneskero the tumare aver inepi – trubinena pro trubi paš o labarde the smiromoskere obeti. Akor mange leperava pre tumende. Me som o RAJ, tumaro Del.”
11Dujto berš andro dujto čhon pro bišto (20.) džives pes hazdľa e chmara upral o Sentno Stanos.
12Akor o Izraeliti odgele pal e pušťa Sinaj. Džanas dureder le dromeha a vajkecivar zaačhile, medik e chmara na ačhiľa pre pušťa Paran.
13Oda sas ešebnovar, sar pes mukle pro drom pal le RAJESKERO prikazis, so lenge diňa prekal o Mojžiš.
14O partiji andral o taboris le Judaskere kmeňostar džanas ešebne pal peskeri zastava. Lengero vodcas sas o Nachšon, le Amminadaboskero čhavo.
15Le Jissacharoskere kmeňoske sas vodcas o Netaneel, le Cuaroskero čhavo,
16a le Zebulunoskere kmeňoske sas vodcas o Eliab, le Chelonoskero čhavo.
17Sar rozkidenas o Sentno Stanos, akor gele het o Geršoniti the o Merariti, save hordinenas o Sentno Stanos.
18Paľis džanas o partiji andral o taboris le Rubenoskere kmeňostar pal peskeri zastava. Lengero vodcas sas o Elicur, le Šedeuroskero čhavo;
19le Šimeonoskere kmeňoske sas vodcas o Šelumiel, le Curišaddajoskero čhavo
20a le Gadoskere kmeňoske sas vodcas o Eljasaf, le Deueloskero čhavo.
21Pal lende džanas o Kohatiti, save hordinenas o sentne veci andral o Sentno Stanos. Okla manuša rozthode le RAJESKERO Stanos pre aver than sigeder, sar on avle.
22Paľis džanas o partiji andral o taboris le Efrajimoskere kmeňostar pal peskeri zastava. Lengero vodcas sas o Elišamas, le Ammichudoskero čhavo;
23le Menaššeskere kmeňoske sas vodcas o Gamaliel, le Pedacuroskero čhavo,
24a le Benjaminoskere kmeňoske sas vodcas o Abidan, le Gideoniskero čhavo.
25Paloda džanas o partiji andral o taboris le Danoskere kmeňostar pal peskeri zastava. Lengero vodcas sas o Achiezer, le Ammišaddajoskero čhavo;
26le Ašeroskere kmeňoske sas vodcas o Pagiel, le Ochranoskero čhavo,
27a le Naftaliskere kmeňoske sas vodcas o Achiras, le Enanoskero čhavo.
28Furt sar pes mukenas pro drom, džanas o Izraeliti ajse šoroha pal peskere partiji.
29Paľis o Mojžiš phenďa peskere šogoriske le Chobaboske, saveske sas dad o Reuel andral o Midijan: “Džas andre phuv, pal savi o RAJ phenďa: ‘Dava la tumenge.’ Av amenca a presikavaha tuke o jileskeriben. Se o RAJ diňa le Izraeliten lav pal o lačhe veci.”
30Ale ov leske odphenďa: “Na džav. Me kamav te džal andre miri phuv ke mire manuša.”
31“Mangav tut, ma omuk amen,” phenďa o Mojžiš. “Se tu džanes, kaj pre pušťa peske šaj keras o tabora. Tu amenge sikaveha o drom.
32Te aveha amenca, paľis pes tuha rozďelinaha savore lačhe vecenca, so amen dela o RAJ.”
33Avke pes le verchostar Sinaj mukle pro trine dživeseskero drom a trin džives džalas angle lende the e Zmluvakeri Archa, hoj lenge te arakhel than pro odpočinkos.
34Akorestar, sar pes mukle pro drom andral o taboris, le RAJESKERI chmara sas calo džives upral lende.
35Sar pes kamenas te mukel pro drom la Zmluvakera Archaha, o Mojžiš phenelas: “Av, RAJEJA! Mi rozdžan pes ola, ko pre tu džan; mi denašen angle tu ola, ko tut našťi avri ačhen.”
36Sar e Archa zaačhelas pro odpočinkos, o Mojžiš phenelas: “Av pale, RAJEJA, ke tire ezera ezerengere Izraeliti.”

Read 4. Mojžišoskero 104. Mojžišoskero 10
Compare 4. Mojžišoskero 10:8-364. Mojžišoskero 10:8-36