7Hein minatey en si Azaria, inleveng sikandin diyà te midlevengan te menge kepuun din diyà te Inged ni David. Ne is anak din he si Jotam iyan nekeilis kandin te kedhadì.
8Nehimu he hadì diyà te Israel si Zacarias he anak ni Jeroboam II hein ike-38 he tuig te kedhadì ni Azaria ziyà te Juda. Diyà te Samaria med-ubpà si Zacarias, ne midhadì sikandin seled te heenem he vulan.
9Mezaat is ulaula zin diyà te etuvangan te Nengazen, iring te mibeelan te menge kepuun din. Wazè din engkezi te ebaal is menge salà he mibeelan ni Jeroboam he anak ni Nebat, he nehimu he hinungdan te kebpekesalà te menge tig-Israel.
2 Hadì 15
2 Hadì 15:7-9