1 Lengte 20:6-13

⁶Ahinlah, jing nikho tuphat tah leh, naleng inpi le navaipote in jousekhol’a thil manlua agel jouseu kilahdia kavaipote kahinsol ding ahi,” agatisah kit in ahi.

⁷Hiche jou chun Ahab in agamsungupa chingthei ho jouse akhomin, amaho koma chun, “Veuvin hichepa hin eisuboi lheh jeng un ahi! Aman aki ngeh bangin keiman ka sana lehka dangka chu leh kaji ka chate chukana phalpeh tan ahi,” ati.

⁸Amipite leh upa chingthei hochun, “Hiche kal val chun imachaphalpeh tahih in,” atipeh un ahi.

⁹Hichun Ahab in Benhadad sottol leho koma chun, “Kapu lengpa komachun hiti hin seipeh tauvin, amasa’anathil ngeh ho chu ka phalpeh jenge, ahinlah tua achaina’a nathil ngehhovang hi kasang theipoi,” ati. Hitichun sottole ho chun hiche thu chuapo uvin Benhadad hengah akiletauvin ahi.

¹⁰Hichun Benhadad in Ahab chuhiti hin thu athot kit’e, “Keiman nakhopi Samaria hi vogoihel’a ahalsisia khut’a choidoh kham mihemkahin puilut ding kasuhmang dingahi. Hichu kaboldoh lou le ka houpathenten eithat jeng hen!” ati.

¹¹Israel lengpa Ahab in ahin donbutin, “Galmun’a galsat dia sepai khatin a chemjam akipoh nung’a, galsatchaisa ho ham hoithoa thuchengchu bol ngai ahipoi, tin seipeh un,” ati.

¹²Benhadad leh apanpi lengdangho toh, ponbuh sunga ju anadonlai tah un, Ahab donbutnathucheng chu aja tauvin ahi. Hichun Benhadad chun asepaite kom’ahgalsat din kigo uvin tin thu ape tanahi. Hijeh chun khopi chu nokhumdingin akigo tauvin ahi.

¹³Hiche kah lah chun, themgao khat Israel lengpa Ahab kimupi din achen, “Pakaiyin hiti hin thu aseiye, ‘Hiche galmi hon tamtahhokhu namu am? Tunia amahokhu nangma khutna ka pehdohding chule galjona na nei ding ahi. Hiteng chuleh nangman keima hi Pakai kitipa chu kahi nei hetdohding ahi,” ati.