Text copied!
CopyCompare
PATHEN LEKHABU THENG - 1 Lengte - 1 Lengte 18

1 Lengte 18:2-44

Help us?
Click on verse(s) to share them!
2Hichun Elijah jong Ahab kom’ahachen ahi. A langkhat na Samariakhopia chun kel ana khoh lheh jing in ahi.
3Hijeh chun Ahab chun khopivesuija pang Obadiah chu anakouvin ahi. Amachu chu Pakainungjui dih tah ahi.
4Jezebel’in Pakai themgao jousetha gam sohkei ding ana gotlaichun, hiche Obadiah kitipa hinsongko mun nia themgao jakhatana huhdoh in ahi. Aman songkokhatna mi som nga nga in ana sellinama ho chu an le twi ana pen ahi.
5Ahab in Obadiah kom’ah, “Chenlang gamsung jouse ga kholsohkei jin twinah jouse gaven chulehphaicham jouse jong gachon sohkeijin, ijeh nem itileh ham hingpouna munkhat beh imudoh uva kasakol holeh sakol pol phabep behi-hinso thei khat diuham,” ati.
6Hitichun amani chu gamsungkhol ding chun akihom khenlhonin, Ahab jong amatah akipanin gamkai lang khat cheh jonin akihomkhen lhon tan ahi.
7Hitia chu Obadiah avale leh, photlot louvin Elijah chu amakomlang ahin jonin ahi. Obadiahchun amachu ahe peijing in, aangsung’ah abohkhup in ahi. Amanajah’a, “Kapu Elijah na hilouhaimo?” atileh,
8Elijah in, “Ka hinai tun chen langnapupa kom’ah, ‘Elijah hikom’ahaum’e’ ga tin,” ati.
9Ahivangin Obadiah chun, “Ipi pentah’a koiman chonset na kaneiya, nangman na sohpa keima hi, Ahabkhutna nei peh doh’a ama thasahding neiti ham?” ati.
10“Hingjing Pakai na Pathen min’akasei ahi, kapu Ahab in nangma holnan leiset chunga lenggam jousele nam jouse hi kolkim vella aholsoh ahitai. Elijah hikom ah aumpoitihi ama kom alhut teng ule hichelenggam mite chu aki hahsel sahjiahi.
11Ahinla tun nangman napupajah’a, ‘Elijah hikom ah aum’e’ gatin neitin.
12Ahin nangma ka dalhah lhahteng lhagao vin nangma ka hetkhahlouna mun khat ah, nalhohmang kit’in tin, Ahab in nangma namudoh lou ding ahi. Hiteng chulehna sohpa keima hi Pathen gingtahmi kahi vangin Ahab chun ei thalotei ding ahi.
13Jezebel lengnun Pakai Themgaote thagam dia agot laija, thilsohchu koiman na jah’a aseilou ham? Keiman themgao ho jakhat chusongko nia kana seldoh’a an le twikana peh ahi.
14Ahin tun nangin chenlang napupa nati. Hepu, hichu ka seileh Ahab in eitha tei tei ding ahi,” ati.
15Ahinlah Elijah in, “Keimaa-angsung’a ding jing, Pakai thaneipen minna kihahsel’a kasei ahi, tuni tah’a hi Ahab chu keiman kakimupi tei ding ahi,” ati.
16Hijeh chun Obadiah in Ahabkom’ah, “Elijah ahung’e,” aga tinahileh, Ahab chu Elijah toh kimutodingin achen ahi.
17Ahab in amuphat in ahin samin, “Israel suboi jingpa nangma nahung hinam?” atin ahi.
18Elijah in adonbut in, “Keiman Israel kasuboi poi, nangma le nainsung mite in na suhboi ahibouve, ajeh chu nangin Pakai thupehnitlouvin, Baal semthu Pathen johna hou uvin ahi.
19Tun Israelte jouse Carmelmol’ah khom in, Baal themgao jalile somnga toh Asherah themgao jali Jazebel in avah ho chu kouvin,” ati.
20Hiti chun Ahab in Israel mipihole themgao hochu Carmel mol ahakou khom in ahi.
21Hichun Elijah chu amahomasang ah ading doh in, “Phati-chanpi hi lunggel khenna neilouva lungni pu’a naum jom jingnahlai diuham? Pakai hi Pathen ahinatiu leh jui jeng’un, ahinla Baal hipathen ahi natiu leh jui jeng’un,” atin ahi. Ahinlah mipi chu athipchetjeng un ahi.
22Hijou chun Elijah in amahokom’ah asei tai, “Pakai themgaoaki hinghoiya keima changbou kahitai, Baal doi themgao ho vang jali le somnga alhing uve.
23Tun bongchal ni hin kailut uvin lang, amahon bongchal khat kilhenmasat uvin tin, that’u henlang, asemtel jou teng uleh thinglomchung’a khun koi uhen, meivang atitheilou diu ahi. Kenjong bongchalkhat joh chu that ing ting thinglomchunga koi jing tin ama vang meikati lou ding ahi.
24Hijou teng chuleh na pathen’umin kou un, chule keiman ka Pakaimin kakou ding ahi. Hiteng chulehmei konga hin donbut pen penchu, Pathen dih ahi ti hetna ahi jenge,” ati. Hichu mipi hon a-nop pehtauvin ahi.
25Hichun Elijah in Baal themgaoho kom ah, “Nangho atamjonahiuvin, bolmasauvin,” ati. Hichun bongchal khat joh chukilhen unlang kisem un, na pathen’uchu kou’un, amavang thinglomchung’a chun mei tih hih un,” ati.
26Hiti chun amahon bongchal khatchu alheng un, athat un, asem tohun, maicham chung achun akoiyun, jingkah’a pat sun gei jin, “O Baalneihouvun” tin apeng peng jengtauvin ahi. Hijou chun amahoalam’un, maicham vella chun asuhchop atou chop jing un ahi.
27Sun kim ahung hi phat’in, Elijahchun amaho chu atot in, “Na hasapjep’u ngai inte ajeh chu ama pathenahin, asun imut phat ahi loule, akicholdo phat ahilou leh akhol jin petahiloule, a imut pet hija suhkhahngai himai thei ahi,” ati peh’e.
28Hijeh chun amahon, ahasapcheh, aha sap cheh jeng un chuleh achon na’u dungjuijin chemcha le chamjam in athi’u ahung kikhodohmasang sen aki at-chen chen jengun ahi.
29Hiti chun nilhah lam kilhaiphatdon geiyin akap’un apengun, ahivangin, ogin ima la aja pouvini-macha donbut na amu deh pouvin ahi.
30Chutah chun Elijah jong chunmipi jouse jah’a, “Nei hin nai lutuvin,” atileh mipi abonchauvinahenga ahung ki khinlut soh tauve. Hichun Elijah chun Pakai maichamakivo chimsa chu asem phan ahi.
31Hichun aman Israel phungkhatcheh thalheng dingin songtumsomle ni ana lhoh khom’in ahi.
32Chuleh song tumho chunga chun Pakai min in maicham anathahsemin ahi.
33Elijah chun thinglom jong chuagol gol in ajamin chuin bongchalchu asemtel tel’in, thinglom chungachun ajamtan ahi. Hichun Elijahin asei jin, “Twi dimset set bel ligadom uvin lang, pumgo thiltochung le thinglom chunga chunchap kot sohkei jun,” ati.
34Hichu abol jou un, Elijah in, “Bol kit uvin,” atin ahileh ama honavellin abolkit tauve. Aman asolkit’in, “Thumvei lhin nan ga bolkit uvin,” atia ahileh mihon jongathumvei lhinan abolkit tauve.
35Hiti chun maicham kimvel achun twi along dimset tan, twilamjong chu twi adimset tan ahi.
36Nilhah lang pumgo thilto phatdonin, Elijah themgao pa chumaicham muna akal touvin atao tan ahi. “Vo Pakai Abraham Pathen, Issac Pathen, Jacob Pathen tuninikho’a hin nangma hi Israel Pathennahina leh keima hi nasohpa kahinahinphong doh in, hicheho jouse hinangma thupeh’a kana bol ahi jonghi hinphong doh in.
37“Vo Pakai neihin donbut in! Hiche mite hin nangma hi Pakai Pathen na hin chule nang inalungthim’u hi nanga dinga naleheipeh’u ahitai tihi ahet doh diuahi,” ati.
38Chutah chun Pakaiya koninmeikong ahung lenglhan, pumgothilto bongchal sa chu aka vamjengin, thinglom jong akavamjeng in, leivui jong aleo go jengin, twilam’a twivei jeng jong chu ahulgo hel jing in ahi.
39Mipin hiche thilsoh hi amudohphat uvin, amai’u tol’ah asulut chehuvin hitin aseitauve, “Pakai amahi Pathen ahi, ahiye, Pakai hi Pathenahi,” atiuve.
40Hijou chun Elijah in mipi hochu thu apen, “Baal themgaohochuman’un, khatchajonglhaso hih’un,” ati. Hichun mipihon amaho chu aman’un, Elijahin Kishon phaichama apui suh inabonchauvin athat gam tan ahi.
41Chuin Elijah chun Ahab komah, “Chenlang an ga nen lang twi gadon tan ajeh chu keiman gojuh nadinga van kithin husa kajatai,” ati.
42Hitichun Ahab jong achen ananen twi adon in ahi. Ahinla Elijahchu Carmel molchunga akaldoh in, teni kikah’a amai asulut in, akunkheh in ahi.
43Chuin asohpa jah’a, “Chen langtwikhanglen lam khu gave tan,” ati. Hichun asohpa jong achen agaven, Elijah kom a ahung kile kit in “Imakamupoi” ati. Sagivei jen Elijahchun achea aga vet dingin anasollin ahi.
44Asagi vei channa chun asoh panhitin aseiye, “Vetan, meilhang neocha mihem khut phang tibep khat hitwikhanglen na konin ahung ki tungdoh’e,” ati. Chuphat in Elijah chunasohpa jah’a, “Ahab kom achuncheloijin lang hitin hin ga seipehin, ‘Na sakol kangtalai ah chunkaldoh inlang na inlanga cheloijinachutilouva ahile geisang le chungojuh in na lap ding, nache theilouding ahi, ga tipeh in,” ati.

Read 1 Lengte 181 Lengte 18
Compare 1 Lengte 18:2-441 Lengte 18:2-44