1 Lengte 16:16-30

¹⁶Amahon Zimri in kitahlou tahin lengpa athat tai ti thu ajah phatun, hiche nikho mama chun sepailamkai Omri chu Israelte Lengdingin ana lhengdoh tauvin ahi.

¹⁷Hitichun Omriin Israelgalmi pumpi chu ahin lamkaijin Gibbethon na konin Tirzah ahinnokhum tauvin ahi.

¹⁸Zimri chun khopi chu alatai tiahetphat un, hiche khopia chunachen amale ama meikong akihalkhumin athi tan ahi.

¹⁹Ajeh chu ama jong hin, Pakaimitmu’n thilse jeng ana bol’in ahi. Aman jong Jeroboam in Israelteana chonset sah tobang chun anachepin ahi.

²⁰Zimri vaihom sunga thilsoh holeh aman dan dihlou tah’a naanatoh naho jouse Israel lengtethusimbu’a aki jih lutsoh keijin ahi. Omri In Israel Gam Lengvai Apoh

²¹Ahinlah tuhin Israelte kehniakiso tauvin ahi. Mipi akeh khat’in Ginath chapa Tibni chu achung uvalenga pang din adei jun ahinlahakeh khat in Omri joh chu adei junahi.

²²Ahin Omri deiho chun Tibnideiho chu ajou tauvin ahi. Hichun Tibni chu athat tauvin Omri johchun lengmun ahinlo tan ahi.

²³Judah gama Asa leng chan kumsomthum le khat alhin chun, Omriin Israelte lah a vai ahin hompan tanahi. Aman kum som le ni vai anahom in kum gup chu Tirzah a anapansan ahi.

²⁴Hijou chun Omri in tua Samariakiti thinglhang gam chu aneipa Shemer a konin dangka sangkhatle ja nga ape in ana kichoh dohin ahi. Aman hichu khopi khat inana semin aneipa Shemer akonin Samaria ana sah ahi.

²⁵Ahinlah Omri in ama masangalengvaipo ho jouse sangin Pakai Pathen mitmun thilse ngen changanabol in ahi.

²⁶Aman jong Nebatchapa Jeroboam chonsetna jousea Israelteana chonset sah bangin ama jonghiti hin ana chonin ahi. Mipitenpannabei milim ana hou uvin Israel Pathen chu ana lunghan sah tauvinahi.

²⁷Omri vaihom sunga thilsoh dangho chuleh a thaneina chuleh ana tohdoh ho jouse chu Israellengte thusimbu a chun aki jihlutsohkei jin ahi.

²⁸Omri chu athi phat in, Samariamunna ana vuijun ahi. Ama baninachapa Ahab chun lengmun ahinlo tan ahi. Ahab In Israel Gam Lengvai Apoh

²⁹Judahh gama Asa leng chan kumsomthum le get ahung lhin chun, Omri chu Israelte lengmun ahinlopantan ahi. Aman Samaria mun’ahkum somni le ni sungin vai ahinhom’in ahi.

³⁰Omri chapa Ahab hin Pakaimitmun thilse jeng ahin bol’in, ama masang’a lengho jouse sanginthilse joh ahin boldoh in ahi.