1. King 19:17-20

¹⁷Iö epwe sü pokiten Hasael a ekiekin niela, Jehu epwe niela, nge iö epwe sü pokiten Jehu a ekiekin niela, Elisa epwe niela.

¹⁸Nge üpwe amanaua fisungeröü aramas me lon Israel, chokewe meinisin resap fotopwäsuk ngeni uluulun ewe anü Paal ika mitiri.”

¹⁹Iwe, Elias a feila seni ikenan o küna Elisa nöün Safat we mwän, a tuw pwül ren engol me ruoman pean ätemwänin kow, nge i a nom ren ewe engol me ruuen pea. Elias a feila ren o noutätä üfan owokot won Elisa.

²⁰Mürin, Elisa a likitala ekewe ätemwänin kow, a säla mürin Elias o üreni, “Kopwe mwüt ngeniei pwe üpwe feila o kapong ngeni semei me inei, mürin üpwe tapwela mürum.” Elias a üreni, “Kopwe liwinla. Ngang üsap epetuk.”