1 Hina 4:11-28

¹¹Benabinada:be (e da Soloumane ea uda mano Da:ifa:de lai dagoi) - Do soge huluane.

¹²Ba:iana (Ahailade egefe) - Da:ianage amola Megidou (moilale gagai bai bagade), Amola soge huluane amo da Bedesia:ne soge amola Sa:leda:ne moilaigadenene galu. Amo soge da Yeseliele moilai bai bagadega ga (south) asili, A:ibele Mihoula amola Yogomia:ime moilale gagai bai bagadega doaga:i.

¹³Benegiba - La:imode moilai bai bagade (Gilia:de soge ganodini) amola moilai Gilia:de soge ganodini amo Ya:ie fi da gagui. (Ya:ie da Ma:na:se ea fi). Amola moilai huluane Agobe sogebi (Ba:isia:ne soge ganodini) amo ganodini e ouligi. Ea ouligibi huluane da moilai bagade 60 agoane. Ilia da gasa bagade gagili sali amola ilia logo ga:su da balasega hamoi galiamo agoai liligi amoga ga:i.

¹⁴Ahinada:be (Idou egefe) - Ma:ihana:ime soge

¹⁵Ahima:ia:se (e da Soloumane uda mano eno amo Ba:sema:de lai) - Na:fadalai soge

¹⁶Ba:iana (Hiusiai egefe) - A:sie soge amola Bialode moilai

¹⁷Yihosiafa:de (Balua egefe) - Isaga soge

¹⁸Simiai (Ila egefe) - Bediamini soge

¹⁹Giba (Ulai egefe) - Gilia:de soge (musa: A:moulaide hina bagade Saihone amola Ba:isia:ne hina bagade Ogo da Gilia:de soge ouligisu) Amo dunu fagoyale gala afae afae da Isala:ili sogebi bai huluane ouligisu. Amola ilia da ouligisudafa hina dunu afae eno gala. E da Isala:ili soge huluane ouligi.

²⁰Yuda amola Isala:ili dunu ilia idi da sa:iboso gasei amo hano wayabo bagade bega: gala amo idi defele ba:su. Ilia da ha:i manu amola hano hahawane nanu, hahawane esalu.

²¹Soloumane ea ouligisu ganodini, eno fi amo da Iufala:idisi Hano bega: asili Filisidini soge amola Idibidi alalo amoga doaga:le, amo fi huluane Soloumane da ouligi. Ilia da ema su ianu, ea esalusu huluane ganodini, ea sia: nabawane hamosu.

²²-

²³Eso huluane, eso afae afae amoga, Soloumane da ea diasua esalebe dunu ilia moma:ne, hagudu dedei liligi lai :- noga:idafa falaua- 5,000 lida agoane, gala:ine goudai-10,000 lida agoane, bulamagau (amo ilia da diasu ganodini alema:ne ha:i manu iasu)- 10, bulamagau amo da gisi bugi nana alei-20, sibi-100, amola ‘dia’ ohe, ‘gasele’, ‘lobage’ amola ‘gagala’.

²⁴Soloumane da soge huluane amo da Iufala:idisi Hano guma:dini gala amo huluane ouligi. Ea soge da Difisa (hano degesu) amogainini guma:dini asili Ga:isa moilai bai bagadega doaga:i. Hina bagade huluane Iufala:idisi Hano amo guma:dini esalu da eha esalu. E amola ea na:iyado fi da olofole esalu.

²⁵E da esaloba, dunu fi huluane Yuda soge amola Isala:ili soge amo ganodini esalu da gaga:iba:le, hahawane esalu. Sosogo fi higagale da ilila: waini efe amola figi ifa defe gagai.

²⁶Soloumane da ‘sa:liode’ hosi ilia sesei 40,000 agoane galu, amola dadi gagui dunu ilia fila heda:ma:ne hosi 12,000 agoane galu.

²⁷Ea sogebi bai ouligisu dunu fagoyale da higagale ea oubi ilegei amoga hina bagade amoma ha:i manu, e amola dunu huluane ea diasua esala defele moma:ne, ema i.

²⁸Amola sogebi bai ouligisu dunu ilia da higagale, bali gala:ine amola gisi ilima ilegei defele, ‘sa:liode’ hosi amola hiougisu ohe ilia moma:ne iasu.