1 מְלָכִים 7:46-50

⁴⁶בככר הירדן יצקם המלך במעבה האדמה בין סכות ובין צרתן׃

⁴⁷וינח שלמה את כל הכלים מרב מאד מאד לא נחקר משקל הנחשת׃

⁴⁸ויעש שלמה את כל הכלים אשר בית יהוה את מזבח הזהב ואת השלחן אשר עליו לחם הפנים זהב׃

⁴⁹ואת המנרות חמש מימין וחמש משמאול לפני הדביר זהב סגור והפרח והנרת והמלקחים זהב׃

⁵⁰והספות והמזמרות והמזרקות והכפות והמחתות זהב סגור והפתות לדלתות הבית הפנימי לקדש הקדשים לדלתי הבית להיכל זהב׃