9ⲚⲦⲈⲢⲈ ⲞⲨⲚⲞϬ ⲆⲈ ⲚⲀϢⲔⲀⲔ ϢⲰⲠⲈ ⲀⲨⲦⲰⲞⲨⲚ ⲚϬⲒ ϨⲞⲒⲚⲈ ⲚⲚⲈⲄⲢⲀⲘⲘⲀⲦⲈⲨⲤ ⲘⲠⲤⲀ ⲚⲚⲈⲪⲀⲢⲒⲤⲤⲀⲒⲞⲤ ⲀⲨⲘⲒϢⲈ ⲈⲨϪⲰ ⲘⲘⲞⲤ ϪⲈ ⲚⲦⲚϬⲚ ⲖⲀⲀⲨ ⲀⲚ ⲘⲠⲈⲐⲞⲞⲨ ϨⲘ ⲠⲈⲒⲢⲰⲘⲈ ⲈⲒⲈ ⲈϢⲰⲠⲈ ⲞⲨⲠⲚⲈⲨⲘⲀ ⲎⲞⲨⲀⲄⲄⲈⲖⲞⲤ ⲠⲈ ⲈⲚⲦⲀϤϢⲀϪⲈ ⲚⲘⲘⲀϤ ⲘⲠⲢⲦⲢⲈⲚϮ ⲞⲨⲂⲈ ⲠⲚⲞⲨⲦⲈ.
10ⲚⲦⲈⲢⲈ ⲞⲨⲚⲞϬ ⲆⲈ ⲚⲤⲦⲀⲤⲒⲤ ϢⲰⲠⲈ ⲀⲠⲬⲒⲖⲒⲀⲢⲬⲞⲤ ⲢϨⲞⲦⲈ ⲘⲎⲠⲰⲤ ⲚⲤⲈⲘⲞⲨⲞⲨⲦ ⲘⲠⲀⲨⲖⲞⲤ. ⲀϤⲞⲨⲈϨⲤⲀϨⲚⲈ ⲘⲠⲈⲤⲦⲢⲀⲦⲈⲨⲘⲀ ⲈⲂⲰⲔ ⲈⲠⲈⲤⲎⲦ ⲚⲤⲈⲦⲞⲢⲠϤ ⲈⲂⲞⲖ ϨⲚ ⲦⲈⲨⲘⲎⲦⲈ. ⲀⲨⲰ ⲈϪⲒⲦϤ ⲈⲦⲠⲀⲢⲈⲘⲂⲞⲖⲎ.