ᤛᤣ᤺ᤰᤕᤢᤰᤔᤡᤒᤠᤜᤠ᤹ 20:30-34

³⁰ᤜᤧᤰᤁᤩᤠᤱ ᤂᤡᤏᤡ᤹ ᤗᤢᤶᤔᤥᤏᤢᤀᤣ ᤀᤡᤱᤗᤧᤰᤐᤠᤜᤠ᤹ ᤔᤧᤗ᤺ᤴ ᤔᤧᤍᤠᤀᤠᤱ ᤏᤛᤠᤏᤡᤒᤠᤜᤠ᤹ ᤀᤡᤱᤔᤧᤗᤧᤰᤋᤢᤛᤡᤀᤠᤱ ᤗᤠᤶ ᤔᤧᤓᤥ᤺ᤳᤋᤢ ᤔᤧᤍᤣ᤹ᤖᤢᤛᤡᤖᤥ॥

³¹ᤜᤧᤰᤁᤣ᤺ᤸᤗᤧ ᤜᤧᤰᤋᤱᤒᤠᤜᤠ᤹ᤏᤢ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ᥄ ᤌᤣᤀᤠᤱᤓᤧᤸᤗᤧ ᤋᤱᤒᤣ ᤛᤢᤶᤛᤡ ᤌᤠᤖᤡᤰ ᤗᤧᤴᤍᤡᤰ ᤛᤧᤴᤍᤡᤰ ᤀᤡᤱᤃᤠ᤹ ᤔᤡᤰᤘᤠᤖᤧ ᤁᤢᤎᤡᤶ ᤐᤥ᤺ᤰᤂᤠᤱᤗ ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤧᤶᤔᤡᤴᤏᤧ᤹ ᤑᤠ᤹ᤀᤠᤱ ᤛᤠᤶᤍᤡᤱ ᤐᤡᤏᤡᤱᤗ ᤘᤕᤠᤱᤗᤥ॥

³²ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱ ᤏᤢ ᤗᤢᤱᤃᤢᤶᤃᤧᤴ ᤁᤢᤒᤠ᤺ᤴᤈᤠᤰᤗᤧᤴ ᤁᤶᤒᤪᤠᤱᤅᤥ ᤀᤡᤱᤃᤠ᤹ ᤜᤢᤰᤛᤢᤵᤏᤡᤱᤗᤥ॥ ᤆᤰᤔᤧᤸᤗ᤹ᤀᤣ ᤂᤢᤏᤧ᤹ ᤏᤛᤠ᤺ᤴ ᤆᤥᤃᤧᤶᤔᤧ᤹. ᤂᤢᤏᤧ᤹ ᤁᤢᤗᤢᤱᤃᤢᤶᤔᤥ ᤋᤠᤱᤃᤧᤛᤧ᤺ᤵᤋᤡ᤹ ᤗ᤹ᤖᤡᤰ ᤔᤧᤳᤏᤡᤱᤗᤥ॥ ᤂᤧᤸᤗᤧ ᤂᤡᤏᤡ᤹ ᤁᤧᤎᤢᤶᤒᤠ ᤆᤥ᤺ᤰᤔᤠ ᤏᤢ ᤛᤣᤛᤣ ᤁᤧᤒᤥ᤺ᤱᤒᤠ ᤁᤢᤔᤏᤠᤜᤠ᤹ᤏᤢ ᤕᤢᤰ ᤂᤥ᤺ᤔᤠᤴ ᤐᤡᤔᤠ ᤁᤧᤛᤢᤰᤋᤡ᤹ᤖᤥ॥

³³ᤀᤡᤱᤃᤠ᤹ᤃ ᤀᤠᤳᤋᤡᤴᤜᤠ᤹ᤖᤧᤴᤏᤠᤱ ᤂᤢᤏᤡ᤹ ᤛᤠᤶᤔᤩᤠᤱ ᤕᤢᤵᤐᤠ ᤏᤢ ᤏᤢ᤺ᤒᤠ ᤋᤧ᤺ᤳᤑᤢᤱᤜᤠ᤹ᤀᤥ ᤔᤡᤰᤔᤧᤱᤃᤣ᤺ᤐᤠᤴᤗᤥ॥

³⁴ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤀᤠᤒᤠᤅᤣ ᤕᤠ᤺ᤶᤒᤰ ᤆᤥᤃᤢᤱᤅᤠᤱ ᤕᤠᤱ ᤌᤃᤢᤱᤅᤠᤱ ᤀᤠᤴᤈᤢᤶᤜᤠ᤹ ᤏᤢ ᤀᤡᤱᤃᤠ᤹ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤆᤡᤃ᤺ᤰᤘᤠᤜᤠ᤹ ᤋᤱᤃᤠᤶ ᤆᤥᤃᤢᤱᤅᤠᤱ ᤘᤕᤠᤱᤒᤠᤴ ᤂᤡᤏᤡ᤹ ᤀᤠᤒᤠᤅᤣ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥