Text copied!
CopyCompare
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤢᤛᤱ ᤔᤠᤱᤜᤢᤵ - ᤛᤣ᤺ᤰᤕᤢᤰᤔᤡᤒᤠᤜᤠ᤹ - ᤛᤣ᤺ᤰᤕᤢᤰᤔᤡᤒᤠᤜᤠ᤹ 20

ᤛᤣ᤺ᤰᤕᤢᤰᤔᤡᤒᤠᤜᤠ᤹ 20:18-38

Help us?
Click on verse(s) to share them!
18ᤂᤧᤱᤜᤠ᤹ ᤂᤧᤵᤔᤥ ᤔᤧᤃᤧᤖᤧᤀᤠᤱ ᤐᤠᤘᤗᤖᤧ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤣᤛᤡᤕᤠᤛ᤻ᤔᤠ ᤋᤧᤱᤃᤵᤐᤥ ᤁᤧᤖᤠᤱᤒᤠ ᤌᤡᤰᤛᤡᤃᤣ᤺ᤰᤛᤔᤠ ᤕᤧᤴᤏᤠᤱᤎᤥᤀᤣ ᤀᤠᤰᤂᤣᤗ᤹ᤖᤡᤰ ᤂᤡᤏᤡ᤹ᤏᤢ ᤘᤕᤠᤱ ᤁᤧᤗ᤹ᤒᤠ ᤂᤡᤏᤡ᤹ ᤏᤢ᤺ᤖᤡᤰᤁᤠᤱ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡᤖᤥ॥
19ᤀᤡᤱᤃᤠ᤹ᤃ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶ ᤏᤢ ᤔᤡᤰᤘᤠ ᤛᤥᤖᤡᤰ ᤕᤜᤢᤍᤡ ᤏᤡᤱᤄᤢᤶᤔᤥᤀᤠᤱ ᤍᤠᤱᤒᤠᤸᤗᤧ ᤁᤢᤛᤣᤘᤠ ᤆᤥᤃᤢᤱᤗᤥ॥
20ᤜᤧᤰᤁᤩᤠᤱ ᤂᤡᤏᤡ᤹ ᤏᤡ᤺ᤔᤠ ᤌᤠ᤺ᤔᤠ ᤁᤧᤒᤥ᤺ᤱᤒᤠ ᤁᤠᤰ ᤐᤠ᤺ᤴᤜᤠ᤹ ᤔᤧᤳᤏᤡᤱᤅᤠᤱ ᤘᤕᤠᤱ ᤜᤧᤰᤁᤩᤠᤱ ᤔᤏᤠᤗᤢᤶᤔᤥ ᤀᤡᤱᤓᤴ ᤆᤥ᤺ᤰᤔᤠ ᤏᤢ ᤂᤡᤏᤡ᤹ ᤜᤡᤶᤜᤡᤶ ᤋᤠᤰᤁᤶᤔᤠᤖ ᤏᤡᤛᤠᤶ ᤜᤢ᤹ᤔᤠ ᤀᤡᤱᤃᤠ᤹ ᤆᤰᤔᤧᤸᤗ᤹ᤀᤣ ᤆᤥᤃᤢᤱᤅᤠᤱ ᤘᤕᤠᤱᤒᤠᤱᤃ ᤂᤡᤏᤡ᤹ ᤁᤧᤏᤡ᤺ᤛᤢᤶᤔᤠᤱᤅᤣ ᤁᤧᤘᤕᤡ᤹ᤖᤥ॥
21ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱ ᤗᤧᤵᤔᤠᤱ ᤏᤢ᤺ᤰᤂᤧᤶᤔᤧ᤹ ᤔᤧᤵᤔᤠᤛᤡ ᤏᤢ ᤀᤠᤏᤡ᤹ ᤍᤠᤱᤒᤠ ᤕᤧᤛᤢ ᤂᤪᤡᤛ᤻ᤋ ᤛᤶᤍᤠᤱ ᤏᤛᤠ᤺ᤴ ᤆᤥ᤺ᤰ ᤐᤠᤱᤔᤠᤛᤡ ᤑᤠ᤹ᤀᤠᤱ ᤀᤡᤱᤃᤠ᤹ ᤛᤠᤶᤍᤡᤱ ᤐᤡᤖᤢᤱᤛᤡᤱᤅᤠᤱ ᤘᤠ᤹ᤀᤠᤖᤥ॥
22ᤀᤠᤸᤗ ᤛᤣᤛᤣᤔᤠᤱᤅᤡᤸᤗᤧ ᤀᤥᤛᤣ᤺ᤴᤎᤠᤰᤋᤠᤱᤒᤠ ᤁᤢᤀᤡᤛᤡ᤺ᤰ ᤕᤖᤢᤛᤗᤧᤔ ᤐᤣ᤺ᤰᤁᤠᤖ ᤐᤳᤋᤠᤖᤥ॥ ᤂᤧᤵᤔᤥ ᤌᤣ ᤐᤥ᤺ᤱ ᤁᤧᤗ᤹ᤒᤠ ᤀᤡᤱᤃᤠ᤹ ᤌᤣᤀᤠᤱ ᤏᤡᤱᤘᤠ᤹ ᤔᤧᤃᤳᤋᤠᤴᤗᤥ॥
23ᤁᤖ ᤁᤧᤖᤧᤰ ᤀᤡᤱᤃᤠ᤹ ᤐᤣᤃᤠᤱᤒᤠ ᤕᤧᤰᤕᤰᤁᤥ ᤛᤣᤛᤣᤔᤠᤱᤅᤡᤸᤗᤧ ᤀᤡᤱᤃᤠ᤹ ᤔᤧᤳᤋᤠᤱᤒᤠ ᤁᤢᤀᤡᤛᤡ᤺ᤰ. ᤐᤢᤱᤗᤠᤜᤡᤶ ᤏᤢ ᤋᤢᤰᤂᤣᤖᤧ ᤂᤧᤵᤔᤥ ᤜᤠᤱᤅᤠᤖ ᤘᤠ᤹ᤀᤠᤖᤥ॥
24ᤁᤖ ᤀᤠᤜᤡᤱᤔᤴᤏᤥ ᤍᤠᤱᤒᤠ ᤕᤧᤛᤢᤖᤧ ᤐᤡᤖᤠᤱᤒᤠ ᤕᤠ᤺ᤶᤒᤰᤁᤡᤴ ᤆᤥ᤺ᤰᤔᤠ ᤛᤢ᤺ᤵᤔᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱᤄᤱ ᤀᤡᤱᤓᤥ᤺ᤔᤠᤀᤠᤱᤎᤥ ᤘᤣ᤹ ᤌᤣᤀᤠᤱ ᤔᤧᤀᤡ᤺ᤳᤋᤢᤱᤅᤡᤴᤗᤥ॥
25ᤀᤠᤸᤗ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤴ ᤀᤡᤱᤓᤴ ᤆᤥ᤺ᤰᤏᤡᤱᤒᤠ ᤂᤡᤏᤡ᤹ ᤀᤠᤳᤋᤡᤸᤗᤧᤀᤠᤱ ᤀᤡᤱᤃᤠ᤹ ᤕᤠᤶᤔᤥ ᤕᤠᤵᤔᤡ ᤁᤧᤴᤏᤡ᤺ᤛᤡᤴ ᤑᤠ᤹ᤀᤠᤱ ᤏᤡ᤺ᤛᤢᤱᤗᤥ॥
26ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤀᤠᤳᤋᤡᤸᤗᤧᤴᤏᤠᤱ ᤔᤧᤰᤔᤠᤸᤗᤧᤴ ᤀᤡᤱᤃᤠ᤹ ᤀᤠᤵᤋᤡᤰ ᤔᤧᤄᤥᤀᤠᤴᤗᤥ ᤑᤠ᤹ᤀᤠᤱ ᤀᤠᤀᤡᤴ ᤀᤡᤱᤃᤠ᤹ ᤔᤧᤳᤏᤡᤱᤗᤥ॥
27ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤁᤢᤏᤡᤱᤛᤣ᤺ᤰ ᤀᤡᤱᤓᤴ ᤆᤥ᤺ᤰᤔᤠ ᤀᤣᤃᤠᤱ ᤔᤧᤶᤒᤵᤐᤧᤴᤗᤥ॥
28ᤜᤧᤰᤁᤣ᤺ᤸᤗᤧ ᤁᤧᤖᤧᤰ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤡᤏᤡ᤹ ᤗᤰᤐᤧᤴᤏᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ ᤏᤢ᤺ᤖᤡᤰᤁᤠᤱ ᤀᤥᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤛᤣᤛᤣᤔᤠᤱᤅᤡᤸᤗᤧ ᤂᤡᤏᤡ᤹ ᤁᤶᤒᤪᤠᤱ ᤁᤧᤔᤧᤵᤐᤠ ᤁᤧᤈᤥᤃᤡᤀᤠᤱ ᤘᤠ᤹॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤋᤢᤰᤋᤢᤒᤠ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤸᤗᤧ ᤁᤢᤔᤠᤰᤂᤡ᤹ᤀᤡᤸᤗᤧ ᤀᤡᤅᤢᤒᤠ ᤛᤣᤛᤣᤜᤢᤵᤗᤰᤁᤡᤴ ᤁᤶᤒᤪᤠᤱ ᤔᤧᤳᤋᤧᤶᤔᤧ᤹॥
29ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤐᤰᤌᤠᤏᤡᤱᤅᤠᤱᤃ ᤁᤡᤵᤔᤠ ᤁᤧᤄᤢ᤺ᤒᤠ ᤐᤖᤠᤒᤠᤜᤠ᤹ ᤔᤧᤍᤠᤀᤠᤱ ᤔᤧᤸᤗᤢᤰ ᤗᤢᤵᤜᤠ᤹ ᤔᤧᤴᤏᤴᤇᤢᤴᤛᤡᤴᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤗᤢᤶᤔᤥᤀᤣ ᤀᤡᤱᤗᤧᤰᤐᤠ ᤛᤡᤰᤛᤠᤶᤒᤠᤜᤠ᤹ ᤔᤧᤗ᤺ᤴᤏᤠᤱ ᤂᤡᤏᤡ᤹ ᤁᤧᤔᤧᤴᤍᤠᤱᤄᤡᤴ ᤁᤧᤗ᤹ᤒᤠ ᤀᤡᤱᤃᤠ᤹ ᤏᤡᤱᤘᤠ᤹ ᤁᤳᤋᤢᤱᤗᤥ॥
30ᤜᤧᤰᤁᤩᤠᤱ ᤂᤡᤏᤡ᤹ ᤗᤢᤶᤔᤥᤏᤢᤀᤣ ᤀᤡᤱᤗᤧᤰᤐᤠᤜᤠ᤹ ᤔᤧᤗ᤺ᤴ ᤔᤧᤍᤠᤀᤠᤱ ᤏᤛᤠᤏᤡᤒᤠᤜᤠ᤹ ᤀᤡᤱᤔᤧᤗᤧᤰᤋᤢᤛᤡᤀᤠᤱ ᤗᤠᤶ ᤔᤧᤓᤥ᤺ᤳᤋᤢ ᤔᤧᤍᤣ᤹ᤖᤢᤛᤡᤖᤥ॥
31ᤜᤧᤰᤁᤣ᤺ᤸᤗᤧ ᤜᤧᤰᤋᤱᤒᤠᤜᤠ᤹ᤏᤢ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ᥄ ᤌᤣᤀᤠᤱᤓᤧᤸᤗᤧ ᤋᤱᤒᤣ ᤛᤢᤶᤛᤡ ᤌᤠᤖᤡᤰ ᤗᤧᤴᤍᤡᤰ ᤛᤧᤴᤍᤡᤰ ᤀᤡᤱᤃᤠ᤹ ᤔᤡᤰᤘᤠᤖᤧ ᤁᤢᤎᤡᤶ ᤐᤥ᤺ᤰᤂᤠᤱᤗ ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤧᤶᤔᤡᤴᤏᤧ᤹ ᤑᤠ᤹ᤀᤠᤱ ᤛᤠᤶᤍᤡᤱ ᤐᤡᤏᤡᤱᤗ ᤘᤕᤠᤱᤗᤥ॥
32ᤀᤠᤸᤗ ᤏᤡᤱᤘᤠ᤹ᤑᤢᤔᤠᤱ ᤏᤢ ᤗᤢᤱᤃᤢᤶᤃᤧᤴ ᤁᤢᤒᤠ᤺ᤴᤈᤠᤰᤗᤧᤴ ᤁᤶᤒᤪᤠᤱᤅᤥ ᤀᤡᤱᤃᤠ᤹ ᤜᤢᤰᤛᤢᤵᤏᤡᤱᤗᤥ॥ ᤆᤰᤔᤧᤸᤗ᤹ᤀᤣ ᤂᤢᤏᤧ᤹ ᤏᤛᤠ᤺ᤴ ᤆᤥᤃᤧᤶᤔᤧ᤹. ᤂᤢᤏᤧ᤹ ᤁᤢᤗᤢᤱᤃᤢᤶᤔᤥ ᤋᤠᤱᤃᤧᤛᤧ᤺ᤵᤋᤡ᤹ ᤗ᤹ᤖᤡᤰ ᤔᤧᤳᤏᤡᤱᤗᤥ॥ ᤂᤧᤸᤗᤧ ᤂᤡᤏᤡ᤹ ᤁᤧᤎᤢᤶᤒᤠ ᤆᤥ᤺ᤰᤔᤠ ᤏᤢ ᤛᤣᤛᤣ ᤁᤧᤒᤥ᤺ᤱᤒᤠ ᤁᤢᤔᤏᤠᤜᤠ᤹ᤏᤢ ᤕᤢᤰ ᤂᤥ᤺ᤔᤠᤴ ᤐᤡᤔᤠ ᤁᤧᤛᤢᤰᤋᤡ᤹ᤖᤥ॥
33ᤀᤡᤱᤃᤠ᤹ᤃ ᤀᤠᤳᤋᤡᤴᤜᤠ᤹ᤖᤧᤴᤏᤠᤱ ᤂᤢᤏᤡ᤹ ᤛᤠᤶᤔᤩᤠᤱ ᤕᤢᤵᤐᤠ ᤏᤢ ᤏᤢ᤺ᤒᤠ ᤋᤧ᤺ᤳᤑᤢᤱᤜᤠ᤹ᤀᤥ ᤔᤡᤰᤔᤧᤱᤃᤣ᤺ᤐᤠᤴᤗᤥ॥
34ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤀᤠᤒᤠᤅᤣ ᤕᤠ᤺ᤶᤒᤰ ᤆᤥᤃᤢᤱᤅᤠᤱ ᤕᤠᤱ ᤌᤃᤢᤱᤅᤠᤱ ᤀᤠᤴᤈᤢᤶᤜᤠ᤹ ᤏᤢ ᤀᤡᤱᤃᤠ᤹ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤆᤡᤃ᤺ᤰᤘᤠᤜᤠ᤹ ᤋᤱᤃᤠᤶ ᤆᤥᤃᤢᤱᤅᤠᤱ ᤘᤕᤠᤱᤒᤠᤴ ᤂᤡᤏᤡ᤹ ᤀᤠᤒᤠᤅᤣ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥
35ᤆᤠᤔᤠ ᤌᤢᤱᤔᤠ ᤀᤠᤒᤠᤅᤣ ᤋᤱᤃᤠᤶ ᤆᤥ᤺ᤰᤔᤠ ᤔᤧᤴᤇᤢᤰᤔᤏᤠᤒᤠᤜᤠ᤹ ᤁᤢᤓᤠ᤹ ᤐᤡᤔᤠᤛᤡ ᤑᤠ᤹ᤀᤠᤱ ᤀᤠᤰᤂᤣᤗ᤹ᤖᤡᤰ ᤕᤠᤶᤒᤢᤎᤡᤰᤐᤠ ᤐᤥ᤺ᤱᤔᤠ ᤐᤥ᤺ᤱ ᤁᤧᤗ᤹ᤒᤠ ᤀᤡᤱᤃᤠ᤹ ᤀᤥᤛᤣ᤺ᤴᤎᤠᤰᤏᤡᤱᤅᤠᤱ ᤘᤠ᤹ᤀᤠ॥ ᤜᤧᤰᤁᤩᤠᤱ ‘ᤋᤠ᤺ᤰᤔᤠᤏᤢ᤺ᤸᤗᤧ ᤐᤡᤔᤠᤀᤥᤀᤣ ᤕᤖᤡᤰ ᤔᤢ᤹ᤀᤡᤛᤠᤶ ᤘᤠ᤹’ ᤗ᤹ᤖᤡᤰ ᤍᤠᤱᤒᤠ ᤕᤧᤛᤢᤖᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴᤏᤠᤱ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥”
36ᤜᤧᤰᤁᤩᤠᤱ ᤐᤠᤘᤗᤖᤧ ᤁᤴ ᤐᤠ᤺ᤴᤜᤠ᤹ ᤐᤠ᤺ᤳᤋᤢ ᤛᤢᤖᤢᤀᤠᤱ ᤂᤧᤱᤜᤠ᤹ ᤁᤠᤰ ᤌᤢᤱᤒᤥᤜᤈ᤹ ᤔᤧᤕᤢᤱᤛᤡᤱᤅᤠᤱ ᤋᤢᤘᤠ ᤔᤧᤈᤥᤃᤧᤖᤥ॥
37ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤔᤧᤜᤧᤵᤋᤢᤀᤠᤱ ᤔᤧᤜᤠᤒᤧᤖ ᤆᤢᤵ ᤔᤧᤔᤧᤳᤋᤢᤖᤥ॥
38ᤐᤠᤘᤗᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡᤒᤠ ᤘᤣ᤹ ᤐᤠ᤺ᤴᤜᤠ᤹ᤏᤢ᤺ᤸᤗᤧᤀᤠᤱ ᤀᤠᤵᤑᤠᤸᤗᤧᤀᤠᤱ ᤀᤠᤏᤠᤖᤠ᤺ᤴ ᤁᤧᤴᤏᤡ᤺ᤛᤢᤶᤔᤡᤴᤗᤥ ᤔᤧᤳᤋᤢᤛᤡᤒᤠᤸᤗᤧ ᤂᤧᤱᤜᤠ᤹ ᤛᤠ᤹ᤖᤡᤰ ᤏᤡᤱᤛᤠᤶᤔᤥ ᤔᤧᤎᤩᤧ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤘᤠᤗᤠᤎᤠᤀᤥ ᤌᤠᤖᤡᤰ ᤔᤧᤛᤔᤧᤎ᤺ᤖᤥ॥

Read ᤛᤣ᤺ᤰᤕᤢᤰᤔᤡᤒᤠᤜᤠ᤹ 20ᤛᤣ᤺ᤰᤕᤢᤰᤔᤡᤒᤠᤜᤠ᤹ 20
Compare ᤛᤣ᤺ᤰᤕᤢᤰᤔᤡᤒᤠᤜᤠ᤹ 20:18-38ᤛᤣ᤺ᤰᤕᤢᤰᤔᤡᤒᤠᤜᤠ᤹ 20:18-38