ᤛᤣ᤺ᤰᤕᤢᤰᤔᤡᤒᤠᤜᤠ᤹ 19:29-33

²⁹ᤜᤧᤰᤁᤣ᤺ᤸᤗᤧ ᤛᤵᤑᤠᤖᤧᤛᤠ ᤁᤠᤰ ᤕᤧᤰᤕᤰᤁᤥ ᤜᤕᤱᤁᤡᤸᤗᤡᤱ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤔᤏᤠᤜᤠ᤹ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤐᤠᤘᤗᤧᤴᤏᤢ ᤔᤧᤛᤣᤍᤥᤏᤡᤕᤠᤗᤠᤶ ᤗᤠᤶᤍᤡ᤺ᤰ ᤁᤧᤈᤥ᤺ᤰᤐᤠ ᤁᤢᤴᤈᤢᤶᤜᤠ᤹ ᤃᤠᤕᤛ ᤏᤢ ᤀᤖᤡᤛ᤻ᤋᤠᤷᤂᤛᤛᤡ ᤔᤧᤍᤧᤶᤛᤢᤛᤡᤀᤠᤱ ᤐᤱᤘᤠᤀᤡᤳᤗᤠᤍᤧᤴᤏᤥ ᤔᤧᤍᤠᤖᤢᤛᤡᤖᤥ॥

³⁰ᤐᤠᤘᤗᤖᤧᤀᤠᤱ ᤂᤧᤵᤔᤥ ᤐᤣ᤺ᤰᤔᤠᤀᤠᤱ ᤐᤠ᤺ᤵᤔᤠ ᤏᤡᤱᤘᤠ᤹ ᤆᤥᤃᤢ. ᤁᤖ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤧ᤹ ᤂᤧᤵᤔᤥ ᤐᤣ᤺ᤰᤔᤠ ᤔᤧᤶᤒᤠᤱᤄᤢᤴᤗᤥ॥

³¹ᤐᤠᤘᤗᤖᤧ ᤁᤢᤓᤠ ᤁᤢᤴᤈᤢᤶ ᤋᤧᤱᤃᤐᤩᤢᤰᤐᤠᤜᤠ᤹ᤖᤧᤀᤠᤱ ᤂᤢᤏᤧ᤹ ᤐᤱᤘᤠᤀᤡᤳᤗᤠᤍᤧᤴᤏᤥ ᤀᤥᤛᤣ᤺ᤴᤔᤧᤎᤠᤰᤛᤡᤱᤅᤡᤴᤏᤡ ᤑᤠ᤹ᤀᤠᤱ ᤀᤡᤱᤄᤱ ᤔᤧᤜᤠᤅᤢᤖᤥ॥

³²ᤜᤧᤰᤁᤩᤠᤱ ᤆᤢᤶᤗᤢᤱᤒᤠ ᤔᤏᤠᤜᤠ᤹ᤖᤧ ᤜᤕᤱᤁᤡᤸᤗᤡᤱ ᤔᤧᤈᤥᤃᤢᤖ ᤁᤢᤓᤠ ᤌᤡᤰ ᤐᤠ᤺ᤴᤏᤥ ᤔᤧᤀ᤺ᤰᤋᤧ. ᤘᤣ᤹ᤜᤠ᤹ ᤘᤣ᤹ ᤐᤠ᤺ᤴᤏᤥ ᤔᤧᤀ᤺ᤰᤋᤧ. ᤀᤠᤳᤋᤡᤴᤜᤠ᤹ᤖᤧᤀᤠᤱ ᤂᤢᤏᤡ᤹ ᤐᤠ᤺ᤴ ᤔᤧᤍᤅᤧᤴᤏᤠᤱ ᤌᤣᤀᤠᤱ ᤔᤏᤠᤜᤠ᤹ ᤂᤧᤵᤔᤥ ᤔᤧᤈᤢᤵᤛᤧᤒᤠ ᤕᤖᤡᤰᤗᤧ ᤌᤣᤀᤠᤱ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ॥

³³ᤁᤢᤓᤠ ᤕᤜᤢᤍᤡᤜᤠ᤹ᤖᤧ ᤀᤗᤧᤰᤈᤧᤴᤍᤖ ᤔᤧᤵᤔᤏᤠᤒᤠ ᤔᤏᤠ᤺ᤴ ᤁᤴ ᤜᤕᤱᤁᤡᤸᤗᤡᤱᤅᤡᤴ ᤌᤣᤀᤠᤱ ᤐᤥ᤺ᤰᤂᤧᤒᤠ ᤑᤠ᤹ᤀᤠᤱ ᤆᤧᤱᤛᤧ ᤂᤢᤏᤧ᤹ ᤋᤃᤡ ᤔᤧᤈᤴᤍᤢ॥ ᤜᤧᤰᤁᤩᤠᤱ ᤀᤗᤣᤰᤈᤣᤴᤍᤖᤗᤧ ᤌᤡᤰ ᤏᤧᤳᤇᤡ ᤏᤠᤱᤛᤡᤱᤔᤠ ᤐᤠ᤺ᤴᤜᤠ᤹ ᤐᤠ᤺ᤵᤔᤠ ᤑᤠ᤹ᤀᤠᤱ ᤜᤢᤰᤑᤥ᤺ᤰᤂᤢᤖ ᤔᤏᤠᤜᤠ᤹ ᤛᤫᤠ᤺ᤳ ᤆᤥ᤺ᤰᤔᤠᤛᤡ ᤏᤡᤱᤘᤠ᤹ ᤆᤥᤃᤢᤖᤥ॥