ᤛᤣ᤺ᤰᤕᤢᤰᤔᤡᤒᤠᤜᤠ᤹ 18:19-22

¹⁹ᤂᤧᤱᤜᤠ᤹ ᤀᤣᤑᤡᤛᤛᤀᤥ ᤔᤧᤃᤧᤖᤧᤀᤠᤱ ᤐᤠᤘᤗᤖᤧ ᤐᤪᤡᤛ᤻ᤁᤡᤗᤠ ᤏᤢ ᤀᤁᤫᤡᤗᤠ᤺ᤴ ᤂᤧᤵᤔᤥ ᤐᤰᤌᤛᤡ॥ ᤁᤖ ᤂᤧᤵᤔᤥ ᤘᤕᤧᤸᤗᤧ ᤂᤢᤏᤧ᤹ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣᤀᤠᤱ ᤕᤜᤢᤍᤡᤜᤠ᤹ᤏᤢ ᤐᤠ᤺ᤴᤌᤰᤋᤧᤖᤥ॥

²⁰ᤂᤧᤱᤜᤠ᤹ᤖᤧ ᤁᤢᤓᤠ ᤕᤧᤴ ᤀᤠᤏᤡᤃᤧᤏᤢᤀᤣ ᤘᤕᤧ᤹ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤛᤠᤱ ᤂᤢᤏᤧ᤹ ᤘᤠ᤹ᤔᤠ ᤔᤧᤍᤧᤴᤍᤧᤴᤗᤥ॥

²¹ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤢᤛᤡ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤐᤥ᤺ᤱᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤂᤡᤏᤡ᤹ᤀᤥ ᤕᤠᤶᤔᤥ ᤋᤠᤀᤠᤖᤥ॥” ᤜᤧᤰᤁᤣ ᤔᤧᤳᤋᤢᤎᤛᤡᤀᤠᤱ ᤂᤢᤏᤧ᤹ ᤀᤣᤑᤡᤛᤛᤗᤠᤶ ᤛᤡᤈᤖᤡᤕᤠ ᤗᤧᤵᤔᤠᤱ ᤘᤠᤗᤠᤶᤍᤡ᤺ᤰᤁᤥ ᤌᤠᤛᤡᤱᤗᤥ॥

²²ᤜᤧᤰᤁᤩᤠᤱ ᤂᤢᤏᤧ᤹ ᤛᤡᤈᤖᤡᤕᤠᤀᤥ ᤁᤧᤖᤧᤀᤠᤱ ᤂᤧᤵᤔᤥᤏᤢ ᤌᤠ᤺ᤱ ᤕᤖᤢᤛᤗᤧᤶᤔᤥ ᤐᤣᤀᤠᤱ ᤂᤧᤵᤔᤥᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ᤀᤥ ᤆᤢᤱᤈᤡᤃᤧᤴ ᤛᤣᤘᤠ ᤋᤥ᤺ᤴᤍᤢ॥ ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤵᤔᤥᤗᤠᤶ ᤀᤣᤴᤋᤡᤀᤥᤰᤁᤥ ᤌᤩᤧᤖᤥ॥