24ᤏᤡᤱᤘᤠ᤹ᤑᤢᤔᤠᤱᤅᤡᤱᤃ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤁᤢᤴᤍᤠᤱᤒᤠᤖᤥ॥ ᤂᤢᤏᤧ᤹ᤀᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤢ ᤂᤧᤵᤔᤥ ᤁᤧᤘᤠ᤹ᤒᤠ ᤁᤧᤖᤧᤰ ᤆᤥᤃᤢᤛᤡᤒᤠᤸᤗᤧ ᤂᤢᤏᤧ᤹ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤔᤧᤈᤥᤃᤢᤒᤠ ᤔᤠᤱᤜᤡᤶᤔᤥ ᤔᤧᤕᤢᤱᤅᤡᤴᤗᤥ॥
25ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤖᤧᤴ ᤁᤢᤓᤠ᤹ ᤂᤢᤏᤧ᤹ ᤆᤠᤜᤠᤒᤠ ᤔᤧᤈᤥ᤺ᤰᤏᤧᤴ. ᤌᤣᤀᤠᤱᤓᤧᤸᤗᤧ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤧᤳᤋᤡᤃᤧᤴ ᤜᤡᤱᤔᤴ ᤏᤢ ᤛᤠ᤺ᤱᤃᤢᤃᤧᤴ ᤛᤰᤔᤠ ᤜᤧᤰᤁᤩᤠᤱ ᤁᤠᤰ ᤐᤠ᤺ᤴᤜᤠ᤹ ᤁᤧᤒᤡᤒᤠ ᤂᤢᤏᤧ᤹ᤀᤣᤖᤥ॥
26ᤂᤢᤏᤧ᤹ᤀᤣ ᤌᤡᤰ ᤔᤧᤴᤇᤠᤶ ᤕᤠᤵᤔᤡᤗᤠᤶ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤆᤥᤃᤢᤛᤡᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤡᤍᤠᤰ ᤕᤢᤱᤔᤠ ᤐᤠᤱᤄᤢᤛᤡᤒᤠᤖᤥ॥ ᤂᤢᤏᤧ᤹ᤀᤣ ᤂᤧᤱᤜᤠ᤹ ᤀᤠᤳᤋᤥ ᤕᤢᤱᤔᤠ ᤐᤥ᤺ᤱ ᤀᤠᤵᤑᤠᤸᤗᤧ ᤕᤢᤱᤔᤠ ᤐᤥ᤺ᤱ ᤑᤠ᤹ᤀᤠᤱ ᤋᤃᤡᤛᤠ ᤏᤡᤱᤛᤣ᤺ᤰ ᤆᤥᤃᤢᤀᤠᤱ ᤘᤕᤧ॥