18ᤂᤧᤵᤔᤥ ᤀᤣᤐᤡᤁᤩᤢᤖᤡ ᤏᤢ ᤛ᤻ᤋᤥᤁᤡ ᤛᤡᤰᤛᤠᤶᤒᤠᤜᤠ᤹ᤀᤠᤱ ᤂᤢᤏᤧ᤹ᤏᤢ ᤐᤠ᤺ᤴ ᤔᤧᤎᤰᤋᤧᤖᤥ॥ ᤁᤢᤓᤠ ᤀᤰᤂᤣ ᤔᤧᤔᤧᤳᤇᤡᤱ. “ᤁᤴ ᤀ᤹ᤀᤒᤠᤸᤗᤧ ᤌᤧᤔᤠ᤺ᤴ ᤐᤠ᤺ᤳᤋᤢᤒᤣ᥅” ᤘᤣ᤹ᤜᤠ᤹ᤖᤧ ᤀᤰᤂᤣ ᤔᤧᤔᤧᤳᤋᤢ. “ᤁᤸᤗᤧᤃ ᤁᤢᤛᤱ ᤘᤣ᤹ ᤛᤠᤶᤔᤠᤱᤈᤩᤠᤱ ᤏᤢ ᤔᤠᤱ ᤐᤠ᤺ᤴ ᤆᤧᤰᤂᤢ ᤐᤠ᤺ᤳᤋᤢᤒᤠ ᤜᤧᤰᤁᤣ ᤗ᤹ᤖᤥ॥” ᤐᤠᤘᤗᤖᤧ ᤕᤧᤛᤢ᤺ᤴ ᤏᤢ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤔᤠᤖᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤓᤴ ᤆᤥᤃᤢᤒᤠᤸᤗᤧ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢᤒᤠᤖᤥ॥
19ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤐᤠᤘᤗᤧᤴ ᤀᤖᤡᤕᤥᤐᤠᤃᤛ ᤔᤧᤵᤔᤏᤠᤒᤠ ᤆᤢᤶᤗᤢᤱᤅᤥ ᤔᤧᤍᤠᤖᤢᤀᤠᤱ ᤀᤰᤂᤣ ᤔᤧᤔᤧᤳᤋᤢ. “ᤁᤴ ᤁᤧᤒᤠ᤺ᤳᤋᤢᤖ ᤁᤧᤘᤠ᤹ᤒᤠ ᤁᤢᤛᤱ ᤏᤡᤛᤠᤶᤔᤡᤴ ᤀᤠᤏᤡᤃᤧᤀᤠᤱ ᤂᤧᤶᤔᤠ ᤛᤡᤖᤠ᤹ ᤌᤠᤅᤧᤀᤠᤱ ᤘᤠ᤹ᤖᤥ॥
20ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤁᤢᤓᤠ ᤐᤠ᤺ᤴᤜᤠ᤹ᤃ ᤀᤠᤏᤡᤃᤧᤀᤥᤃ ᤁᤢᤛᤱ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤆᤥ᤺ᤰᤐᤠ ᤏᤡ᤺ᤛᤢᤶᤒᤧ॥ ᤂᤧᤸᤗᤧ ᤁᤢᤒᤣ᤺ᤴᤏᤡᤱᤃ ᤌᤧᤔᤠᤒᤣ᥅ ᤕᤠᤵᤔᤡ ᤀᤠᤔᤧᤳᤋᤧ᤹ᤀᤥ॥”
21(ᤀᤧᤌᤧᤴᤛᤒᤠ ᤁᤠᤰ ᤕᤰᤕᤢᤱᤒᤠᤜᤠ᤹ ᤏᤢ ᤔᤠ᤺ᤱᤄᤠ ᤗᤠᤈᤣ᤹ᤗᤠᤶ ᤁᤧᤍᤠ᤺ᤒᤠ ᤔᤏᤠᤜᤠ᤹ᤖᤧ ᤁᤢᤛᤱ ᤐᤠ᤺ᤴ ᤆᤧᤱᤔᤠ ᤏᤢ ᤂᤧᤶᤔᤠᤀᤥᤖᤰ ᤏᤠᤶ ᤔᤧᤎᤠᤛᤢᤖᤥ॥)