ᤛᤣ᤺ᤰᤕᤢᤰᤔᤡᤒᤠᤜᤠ᤹ 15:6-11

⁶ᤜᤧᤰᤁᤣ᤺ᤸᤗᤧ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤢ ᤋᤢᤶᤗᤠᤶᤗᤥ᤺ᤒᤠᤜᤠ᤹ ᤛᤥᤖᤡᤰ ᤔᤧᤈᤢᤵᤛᤧᤀᤠᤱ ᤁᤴ ᤐᤠ᤺ᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤴᤎᤱ ᤔᤧᤈᤥᤃᤢᤖᤥ॥

⁷ᤂᤧᤵᤔᤥ ᤐᤕᤶ ᤐᤠ᤺ᤴᤎᤱ ᤐᤥ᤺ᤰᤂᤧᤀᤠᤱ ᤁᤢᤏᤢᤵᤔᤥ ᤐᤋᤪᤢᤛᤧᤴ ᤐᤥᤃᤧᤀᤠᤱ ᤔᤧᤳᤋᤢᤛᤡ. “ᤀᤠᤶᤓᤢ᤹ ᤀᤠᤴᤛᤠ᤹ᤛᤣ. ᤕᤖᤡᤰ ᤋᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤛᤢᤏᤠᤀᤡᤱ ᤂᤧᤶᤔᤠ ᤏᤢ ᤏᤛᤠ᤺ᤴ ᤔᤧᤈᤥᤃᤢᤖ ᤑᤠ᤹ᤀᤠᤱ ᤀᤡᤱᤓᤴ ᤆᤥ᤺ᤰᤛᤧ ᤂᤡᤏᤡ᤹ᤀᤥᤗᤠᤶ ᤀᤡᤱᤃᤠ᤹ ᤛᤣᤃᤠᤱᤒᤠᤴ ᤁᤧᤏᤡ᤺ᤛᤢᤶᤔᤠᤱ ᤁᤧᤘᤕᤡ᤹ᤖᤥ॥

⁸ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤖᤧᤴ ᤛᤡᤰᤗᤢᤱᤔᤠᤴ ᤏᤡ᤺ᤛᤢᤖᤥ॥ ᤂᤢᤏᤧ᤹ᤃ ᤀᤠᤏᤡ᤹ ᤜᤧᤰᤁᤣᤀᤣ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤛᤣᤛᤣᤔᤠᤱ ᤐᤡᤖᤢᤛᤡᤖ ᤋᤠ᤺ᤰᤋᤢᤛᤡᤀᤠᤱ ᤘᤠ᤹ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤀᤠᤏᤡ᤹ ᤀᤥᤛᤣ᤺ᤴᤀᤠᤎᤠᤰᤋᤧᤖᤥ॥

⁹ᤀᤠᤸᤗ ᤂᤢᤏᤧ᤹ ᤌᤡᤶᤔᤧᤴᤍᤱ ᤛᤢᤘᤠᤱ ᤏᤢ ᤀᤠᤏᤡ᤹ ᤀᤠᤴᤇᤧᤴᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤜᤧᤰᤁᤣ ᤍᤠᤱᤒᤠᤀᤥᤒᤠ ᤏᤛᤠ᤺ᤴᤗᤠᤶ ᤂᤢᤏᤡ᤹ ᤛᤡᤰᤗᤢᤱᤔᤠᤴ ᤛᤣᤛᤣ ᤆᤥᤃᤢ ᤐᤡᤖᤢᤛᤡᤀᤠᤱ ᤘᤠ᤹ᤖᤥ॥

¹⁰ᤜᤧᤰᤁᤣ᤺ᤸᤗᤧ ᤌᤣᤀᤠᤱᤏᤧ ᤁᤧᤛᤠᤰᤐᤠ ᤕᤜᤢᤍᤡ ᤛᤠᤰᤌᤡᤶᤔᤡᤴ ᤌᤡᤶᤔᤧᤴᤍᤱ ᤏᤛᤠᤏᤡᤒᤠᤜᤠ᤹ ᤁᤧᤃᤢ᤺ᤳᤋᤢᤶᤛᤡᤶᤔᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰ ᤑᤥ᤺ᤱᤔᤠ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤶᤒᤠᤒᤣ᥅ ᤂᤧᤱᤃ ᤀᤠᤏᤡ᤹ ᤐᤠᤎᤧᤒᤠᤜᤠ᤹ᤖᤧᤀᤠᤱ ᤁᤢ᤺ᤔᤠ ᤔᤧᤴᤇᤢᤰᤋᤢᤴ. ᤜᤧᤰᤁᤩᤠᤱ ᤀᤠᤏᤡ᤹ᤀᤠᤱ ᤁᤢ᤺ᤔᤠ ᤀᤠᤴᤇᤢᤰᤋᤢᤶᤔᤡᤴᤗᤥ॥

¹¹ᤛᤧᤰᤂᤠ᤺ᤸᤗᤧᤃ. ᤂᤧᤱᤜᤠ᤹ ᤜᤧᤰᤁᤣᤀᤣ ᤀᤠᤏᤡ᤹ᤀᤠᤱ ᤍᤠᤱᤒᤠᤸᤗᤧ ᤁᤢᤗᤢᤱᤃᤢᤶᤔᤡᤸᤗᤧᤖᤰ ᤋᤠᤱᤀᤠᤛᤣ᤺ᤵᤋᤧ ᤁᤧᤗ᤹ᤒᤠᤴ ᤏᤛᤠ᤺ᤴ ᤀᤠᤈᤥᤃᤢᤶᤗᤥ॥”