ᤛᤣ᤺ᤰᤕᤢᤰᤔᤡᤒᤠᤜᤠ᤹ 13:20-25

²⁰ᤋᤱᤒᤣ ᤁᤢᤃᤡᤵ ᤗᤡᤛᤡᤀᤠᤱ ᤁᤢᤓᤪᤧ᤺ᤱ (᥊᥋᥆) ᤌᤠᤖᤡᤰ ᤂᤧᤱᤜᤠ᤹ᤖᤧ ᤂᤧᤴ ᤗᤠᤈᤣ᤹ᤀᤡᤴ ᤔᤧᤕᤢᤰᤋᤢᤖᤥ॥ ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤛᤠᤔᤢᤀᤧᤗ ᤌᤠᤖᤡᤰ ᤂᤠᤛᤧᤴᤕᤢᤰᤐᤠᤜᤠ᤹ ᤐᤡᤖᤢᤛᤡᤖᤥ॥

²¹ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤜᤠᤱ ᤔᤧᤏᤠ᤺ᤰᤋᤢᤸᤗᤧ ᤂᤢᤏᤧ᤹ ᤒᤧᤴᤈᤠᤔᤡᤏ ᤛᤢᤘᤠᤱᤛ᤻ᤔᤠ ᤁᤡᤛᤖᤧ ᤁᤢᤛ᤻ᤛᤠ᤺ ᤛᤠᤘᤗᤧᤴ ᤐᤡᤖᤢᤛᤡᤀᤠᤱ ᤂᤧᤸᤗᤧ ᤋᤱᤒᤣ ᤗᤡᤒᤥ᤺ᤱ (᥊᥆) ᤌᤠᤖᤡᤰ ᤜᤠᤱ ᤆᤥᤃᤢᤖᤥ॥

²²ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤜᤠᤱᤕᤢᤰᤗᤠᤶ ᤂᤧᤳᤋᤢᤀᤠᤱ ᤍᤠᤀᤢᤍᤧᤴ ᤜᤠᤱ ᤆᤥᤃᤢᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ. ‘ᤕᤡᤛᤤᤖᤧ ᤁᤢᤛ᤻ᤛᤠ᤺ ᤍᤠᤀᤢᤍᤧᤱᤃ ᤀᤠᤏᤡᤱᤘᤠ᤹ ᤜᤧᤰᤁᤣ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤀᤠᤛᤡᤖᤠ᤹ ᤁᤧᤎᤠᤱᤒᤠ ᤔᤏᤠᤖᤥ॥’

²³ᤒᤠ ᤁᤴ ᤔᤧᤴᤇᤠᤶ ᤌᤠ᤺ᤰᤁᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤛᤡᤒᤠ ᤁᤢᤀᤡᤛᤡ᤺ᤰ ᤛᤧᤴᤗᤵᤍᤠᤱᤒᤠ ᤕᤧᤛᤢ᤺ᤴ ᤀᤠᤏᤡ᤹ ᤀᤡᤛᤪᤠᤀᤡᤗᤡᤜᤠ᤹ᤀᤥ ᤐᤠᤱᤄᤢᤖᤥ॥

²⁴ᤕᤧᤛᤢᤖᤧ ᤁᤢᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ ᤜᤣ᤺ᤰᤔᤠᤏᤢ᤺ᤸᤗᤧ ᤋᤃᤡ ᤕᤢᤜᤢᤴᤏᤠᤖᤧ ᤀᤡᤛᤪᤠᤀᤡᤗᤛ᤻ᤔᤠ ᤁᤠᤰ ᤔᤏᤠᤜᤠ᤹ ᤂᤢᤏᤡ᤹ ᤗᤠᤕᤥᤗᤠᤶ ᤔᤧᤜᤡᤴᤏᤠᤱ ᤒᤵᤋᤡᤛ᤻ᤔᤠ ᤔᤧᤒᤥ᤺ᤱᤗ ᤑᤠ᤹ᤀᤠᤱ ᤀᤡᤱᤓᤥ᤺ᤛᤢᤛᤡᤖᤥ॥

²⁵ᤜᤧᤰᤁᤩᤠᤱ ᤕᤢᤜᤢᤴᤏᤠᤖᤧ ᤂᤢᤏᤧ᤹ ᤁᤢᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ ᤛᤢ᤺ᤵᤔᤠ ᤀᤡ᤺ᤳᤋᤢᤸᤗᤧ ᤔᤏᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡ. ‘ᤀᤡᤱᤃᤠ᤹ ᤜᤠ᤺ᤳᤀᤠ ᤑᤠ᤹ᤀᤠᤱ ᤕᤠᤵᤔᤡ ᤁᤧᤀᤡ᤺ᤳᤋᤡᤒᤣ᥅ ᤀᤡᤱᤃᤠ᤹ᤃ ᤂᤡᤏᤡ᤹ ᤁᤧᤜᤠᤱᤄᤢᤶᤒᤠ ᤔᤏᤠ᤺ᤱᤃ ᤔᤧ᤺ᤴᤏᤠᤖᤥ. ᤂᤢᤏᤧ᤹ᤃ ᤀᤡᤱᤃᤠ᤹ᤏᤢ᤺ᤸᤗᤧ ᤕᤠᤱᤛᤡ ᤋᤠ᤺ᤖᤥ॥ ᤂᤢᤏᤧ᤹ ᤁᤢᤗᤠᤱᤛᤢ᤺ᤵᤐᤡᤸᤗᤧ ᤁᤢᤏᤠᤶᤜᤠ᤹ᤀᤠᤱ ᤑᤠ᤺ᤱᤔᤠ ᤔᤧᤗᤠ᤹ᤀᤠᤴᤗᤥ॥’