ᤛᤣ᤺ᤰᤕᤢᤰᤔᤡᤒᤠᤜᤠ᤹ 13:14-21

¹⁴ᤐᤠᤘᤗ ᤏᤢ ᤒᤖᤏᤠᤒᤠᤛᤧᤴ ᤐᤷᤃᤠᤗᤠᤶ ᤐᤡᤛᤡᤍᤡᤕᤠ ᤌᤢᤶᤔᤥᤒᤠ ᤀᤣᤴᤋᤡᤀᤥᤁ ᤕᤧᤰᤕᤰᤁᤥ ᤐᤣᤛᤡ॥ ᤜᤧᤰᤁᤩᤠᤱ ᤏᤠ᤺ᤶᤛᤡᤱ ᤕᤧᤴᤏᤥ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤂᤧᤱᤜᤠ᤹ ᤐᤣᤛᤡᤀᤠᤱ ᤕᤢᤱᤏᤧᤇᤡᤖᤥ॥

¹⁵ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤛᤠᤵᤋᤢᤒᤠ ᤛᤠᤵᤐᤴᤗᤠᤶ ᤔᤧᤏᤡ᤺ᤖᤢ ᤔᤧᤛᤢᤖᤢᤀᤠᤱ ᤗᤠᤶᤗᤥ᤺ᤒᤠᤜᤠ᤹ᤖᤧ ᤂᤧᤱᤜᤠ᤹ ᤀᤰᤂᤣ ᤔᤧᤔᤧᤳᤋᤢᤛᤡ. “ᤑᤢ᤹ᤏᤢᤛᤠ᤹ᤛᤣ. ᤀᤠᤏᤡᤃᤧ ᤔᤏᤠᤜᤠ᤹ ᤜᤠᤱᤜᤠᤱ ᤔᤧᤵᤔᤠᤛᤡ ᤀᤡᤱᤄᤱ ᤁᤧᤃᤳᤇᤢᤏᤧ ᤑᤠ᤹ᤃᤪ ᤐᤠ᤺ᤳᤋᤧᤛᤧ᤹ᤀᤥ॥”

¹⁶ᤐᤠᤘᤗᤧᤴ ᤔᤢᤳᤌᤪᤡᤰ ᤐᤥᤃᤧᤀᤠᤱ ᤜᤢᤰᤆᤠ᤺ᤸᤁᤡ ᤆᤥᤃᤢᤖ ᤐᤠ᤺ᤵᤔᤠ ᤜᤣ᤺ᤰᤋᤧ. “ᤀᤡᤛᤪᤠᤀᤡᤗᤡ ᤑᤢ᤹ᤏᤢᤛᤠ᤹ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤣᤘᤠ ᤁᤧᤈᤥ᤺ᤰᤐᤠ ᤌᤡᤶᤔᤧᤴᤍᤱ ᤛᤢᤘᤠᤱᤛᤠᤛᤣ. ᤀᤠᤄᤧᤵᤛᤧᤶᤔᤧ᤹ᤀᤥ᥄

¹⁷ᤁᤴ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤛᤣᤘᤠ ᤔᤧᤈᤥᤃᤢᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤏᤡ᤹ ᤐᤠᤎᤧᤒᤠ ᤛᤢᤎᤧᤒᤠᤜᤠ᤹ ᤛᤣᤃᤢᤛᤡᤀᤠᤱ ᤔᤡᤛᤪ ᤗᤠᤈᤣ᤹ᤀᤥ ᤔᤠ᤺ᤱᤄᤠᤒᤠ ᤗᤠᤈᤣ᤹ᤛᤠᤒᤠ ᤜᤧᤰᤁᤣ ᤔᤧᤘᤕᤧᤸᤗᤧ ᤕᤶᤒᤠ ᤛᤢᤘᤠᤱ ᤆᤥᤃᤢᤛᤡᤖᤥ॥ ᤜᤧᤰᤁᤩᤠᤱ ᤐᤕᤶ ᤔᤢᤰᤛᤠᤶᤏᤢ ᤂᤧᤴ ᤗᤠᤈᤣ᤹ᤀᤥᤏᤢ ᤗᤠ᤺ᤰᤁᤠᤳ ᤗ᤺ᤳᤋᤢᤛᤡᤀᤠᤱ

¹⁸ᤀᤣ᤺ᤰᤛᤠᤍᤧᤴᤏᤥ ᤋᤱᤒᤣ ᤗᤡᤒᤥ᤺ᤱ ᤌᤠᤖᤡᤰ ᤂᤧᤱᤜᤠ᤹ ᤁᤶᤒᤪᤠᤱ ᤔᤧᤳᤋᤢᤛᤡᤖᤥ॥

¹⁹ᤜᤧᤰᤁᤩᤠᤱ ᤂᤢᤏᤧ᤹ᤃ ᤁᤏᤠᤏ ᤗᤠᤈᤣ᤹ᤛ᤻ᤔᤠ ᤏᤢᤛᤡ ᤛᤢᤘᤠᤱᤜᤠ᤹ ᤔᤧᤰᤂᤢᤛᤡᤀᤠᤱ ᤂᤧᤴ ᤗᤠᤈᤣ᤹ᤀᤥ ᤁᤢᤔᤏᤠᤜᤠ᤹ ᤕᤢᤰᤍᤠᤱᤒᤠ ᤆᤥᤃᤢᤛᤡᤀᤠᤱ

²⁰ᤋᤱᤒᤣ ᤁᤢᤃᤡᤵ ᤗᤡᤛᤡᤀᤠᤱ ᤁᤢᤓᤪᤧ᤺ᤱ (᥊᥋᥆) ᤌᤠᤖᤡᤰ ᤂᤧᤱᤜᤠ᤹ᤖᤧ ᤂᤧᤴ ᤗᤠᤈᤣ᤹ᤀᤡᤴ ᤔᤧᤕᤢᤰᤋᤢᤖᤥ॥ ᤜᤧᤰᤁᤩᤠᤱ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤛᤠᤔᤢᤀᤧᤗ ᤌᤠᤖᤡᤰ ᤂᤠᤛᤧᤴᤕᤢᤰᤐᤠᤜᤠ᤹ ᤐᤡᤖᤢᤛᤡᤖᤥ॥

²¹ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤜᤠᤱ ᤔᤧᤏᤠ᤺ᤰᤋᤢᤸᤗᤧ ᤂᤢᤏᤧ᤹ ᤒᤧᤴᤈᤠᤔᤡᤏ ᤛᤢᤘᤠᤱᤛ᤻ᤔᤠ ᤁᤡᤛᤖᤧ ᤁᤢᤛ᤻ᤛᤠ᤺ ᤛᤠᤘᤗᤧᤴ ᤐᤡᤖᤢᤛᤡᤀᤠᤱ ᤂᤧᤸᤗᤧ ᤋᤱᤒᤣ ᤗᤡᤒᤥ᤺ᤱ (᥊᥆) ᤌᤠᤖᤡᤰ ᤜᤠᤱ ᤆᤥᤃᤢᤖᤥ॥