Text copied!
CopyCompare
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤢᤛᤱ ᤔᤠᤱᤜᤢᤵ - ᤛᤣ᤺ᤰᤕᤢᤰᤔᤡᤒᤠᤜᤠ᤹ - ᤛᤣ᤺ᤰᤕᤢᤰᤔᤡᤒᤠᤜᤠ᤹ 12

ᤛᤣ᤺ᤰᤕᤢᤰᤔᤡᤒᤠᤜᤠ᤹ 12:17-25

Help us?
Click on verse(s) to share them!
17ᤐᤋᤪᤢᤛᤖᤧ ᤂᤧᤱᤜᤠ᤹ ᤜᤢᤰᤆᤠ᤺ᤸᤁᤡ᤺ᤸᤗᤧ ᤛᤫᤠ᤺ᤳ ᤆᤥᤃᤢᤛᤡᤀᤠᤱ ᤀᤠᤰᤂᤣᤗ᤹ᤖᤡᤰ ᤍᤠᤱᤒᤧᤸᤗᤧ ᤂᤢᤏᤧ᤹ ᤐᤢᤱᤗᤠᤜᤡᤶᤔᤥᤗᤠᤶ ᤗᤠ᤺ᤰᤁᤠᤳ ᤗ᤺ᤳᤋᤢ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤐᤥᤎᤰᤋᤢᤛᤡᤖᤥ॥ ᤜᤧᤰᤁᤩᤠᤱ ᤁᤴ ᤐᤠ᤺ᤴᤏᤡᤴ ᤀᤠᤏᤡ᤹ ᤗᤠᤶᤗᤥ᤺ᤒᤠ ᤕᤠᤁᤢᤒ ᤏᤢ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤔᤧᤳᤋᤧᤶᤛᤡᤶᤔᤧ᤹ ᤗ᤹ᤖᤡᤰ ᤔᤧᤳᤋᤢᤛᤡᤀᤠᤱ ᤂᤢᤏᤧ᤹ ᤂᤧᤵᤔᤥᤗᤠᤶ ᤘᤣ᤹ᤛ᤻ᤔᤠ ᤋᤧᤴᤏᤥ ᤐᤣᤖᤥ॥
18ᤜᤧᤰᤁᤩᤠᤱ ᤁᤢᤏᤠᤶᤍᤠ᤺ᤵᤔᤠ ᤂᤠᤀᤥ᤺ᤳᤋᤧᤀᤠᤱ ᤐᤋᤪᤢᤛᤧᤴ ᤌᤧᤔᤠ ᤐᤥ᤺ᤰᤂᤧᤒᤣ ᤑᤠ᤹ᤀᤠᤱ ᤂᤧᤴ ᤐᤢᤱᤗᤠᤜᤡᤶ ᤁᤧᤃᤥ᤺ᤒᤠ ᤌᤰᤛᤢᤒᤠ ᤗᤢᤶᤔᤥ ᤕᤶᤒᤠ ᤜᤕᤱ ᤁᤡᤸᤗᤡᤱ ᤐᤥ᤺ᤰᤂᤧᤖᤥ॥
19ᤂᤧᤴ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤜᤧᤖᤥᤍᤖᤧ ᤌᤰᤛᤢᤒᤠᤜᤠ᤹ ᤛᤣ᤺ᤴᤍᤥᤛᤢᤛᤡᤸᤗᤧ ᤂᤧᤱᤜᤠ᤹ᤖᤧ ᤌᤣᤀᤠᤱ ᤏᤥᤃᤵ ᤐᤡᤔᤠ ᤔᤧᤴᤇᤢᤰᤋᤢᤴ. ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤛᤧᤵᤔᤠ ᤐᤠᤱᤄᤢᤛᤡᤖᤥ॥ ᤜᤧᤰᤁᤩᤠᤱ ᤜᤧᤖᤥᤍᤧᤏ ᤕᤜᤢᤍᤡᤕᤠᤗᤠᤶ ᤛᤡᤈᤖᤡᤕᤠ ᤕᤧᤰᤕᤰᤁᤥ ᤁᤢᤓᤠ ᤕᤧᤴ ᤘᤠ᤹ᤛᤧ ᤐᤣᤖᤥ॥
20ᤂᤧᤴ ᤕᤧᤶᤔᤥ ᤜᤧᤖᤥᤍ ᤜᤠᤱᤅᤡᤸᤗᤧ ᤋᤠᤕᤖ ᤏᤢ ᤛᤡᤍᤥᤏᤛ᤻ᤔᤠ ᤔᤏᤠᤜᤠ᤹ᤏᤢ ᤛᤠ᤹ᤖᤡᤰ ᤁᤢᤛᤡᤰ ᤐᤥᤃᤧᤀᤠᤱ ᤘᤕᤧ॥ ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤜᤧᤖᤥᤍ ᤜᤠᤱᤅᤡᤴᤏᤢ ᤏᤠᤍᤱ ᤆᤥ᤺ᤰᤛᤧ ᤁᤢᤍᤢᤶᤛᤧ ᤔᤧᤒᤣ. ᤌᤣᤀᤠᤱᤓᤧᤸᤗᤧ ᤁᤧᤖᤧᤰ ᤆᤠᤔᤠ ᤌᤢᤱᤔᤠᤜᤠ᤹ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤗᤠᤈᤣ᤹ᤀᤥᤗᤠᤶ ᤔᤧᤍᤠᤖᤢᤖ ᤔᤧᤘᤕᤧ ᤁᤖ ᤜᤠᤱᤅᤡᤸᤗᤧ ᤂᤧᤴ ᤆᤠᤔᤠ ᤌᤢᤱᤔᤠ ᤁᤧᤍᤠ᤺ᤒᤠ ᤗᤠᤶᤔᤡᤴ ᤛᤠᤰᤔᤠ ᤐᤠᤱᤄᤢᤛᤡᤀᤠᤱ ᤘᤕᤧᤖᤥ॥ ᤁᤠᤰᤏᤢ ᤋᤃᤡ ᤜᤠᤱ ᤜᤡᤶᤔᤥᤒᤠ ᤒᤠᤗᤠᤛ᤻ᤋᤛ ᤔᤧᤵᤔᤏᤠᤒᤠ ᤏᤛᤠ᤺ᤴᤛᤠᤒᤠ ᤔᤏᤠ᤺ᤴ ᤜᤢᤰᤁᤥ ᤔᤧᤍᤠᤖᤢᤀᤠᤱ ᤜᤠᤱᤅᤡᤴᤏᤢ ᤋᤠ᤹ᤈᤧᤱᤔᤠ ᤕᤧᤶ ᤔᤧᤄᤥ᤺ᤛᤢᤖᤥ॥
21ᤜᤧᤰᤁᤩᤠᤱ ᤂᤧᤴ ᤋᤢᤶᤔᤠ ᤕᤧᤴᤏᤥ ᤜᤧᤖᤥᤍ ᤜᤠᤱᤅᤡᤸᤗᤧ ᤜᤠᤱᤍᤣ᤺ᤳᤋᤡᤴ ᤆᤠᤰᤂᤢᤀᤠᤱ ᤜᤠᤱᤕᤢᤰᤏᤠᤀᤥ ᤕᤢᤱᤛᤡᤱᤅᤠᤱ ᤔᤏᤠᤜᤠ᤹ ᤀᤢᤘᤠ ᤆᤥᤃᤢᤛᤡᤖᤥ॥
22ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤁᤴ ᤁᤧᤒᤠ᤺ᤵᤐᤧᤴ ᤔᤠᤱᤗᤥ. ᤔᤧᤴᤇᤠᤶᤃᤧᤴ ᤕᤠᤵᤔᤡᤃ ᤔᤧ᤺ᤴᤗᤥ ᤗ᤹ᤖᤡᤰ ᤔᤧᤀ᤺ᤰᤋᤧᤖᤥ॥
23ᤂᤡᤔᤥ ᤍᤠᤱᤒᤠᤸᤗᤧ ᤐᤠᤱᤄᤢᤒᤠ ᤔᤠᤱᤗᤠᤀᤡᤱᤒᤠᤸᤗᤧ ᤜᤧᤖᤥᤍ ᤜᤠᤱᤅᤡᤴ ᤕ᤹ᤎᤧᤳᤋᤢᤖ ᤕᤠ᤺ᤴᤍᤢ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤴᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤛᤩᤥ᤺ᤱ ᤛᤩᤥ᤺ᤱ ᤗ᤹ᤖᤡᤰ ᤑᤣ᤹ᤒᤠ᤺ᤳ ᤌᤩᤧᤀᤠᤱ ᤛᤩᤧᤖᤥ॥
24ᤁᤖ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤆᤰᤔᤧᤸᤗ᤹ᤀᤣ ᤛᤧ᤺ᤖᤧᤀᤠᤱ ᤐᤥᤖᤧᤖ ᤐᤣᤖᤥ॥
25ᤒᤖᤏᤠᤒᤠᤛ ᤏᤢ ᤛᤠᤘᤗᤖᤧᤀᤠᤱ ᤕᤖᤢᤛᤗᤧᤶᤔᤥ ᤑᤠ᤹ᤕᤠᤱ ᤛᤧᤎᤩᤧᤳᤇᤢᤀᤠᤱ ᤀᤣᤴᤋᤡᤀᤥᤰᤁᤥ ᤏᤢ᤺ᤰᤂᤧᤳᤇᤡ ᤋᤩᤧᤳᤇᤡᤖᤥ॥ ᤂᤢᤴᤇᤡ᤹ᤏᤢᤀᤣ ᤕᤢᤜᤢᤴᤏᤠ ᤔᤷᤁᤢᤛᤧᤴᤏᤠᤱ ᤋᤠᤖᤧᤳᤇᤢᤖᤥ॥

Read ᤛᤣ᤺ᤰᤕᤢᤰᤔᤡᤒᤠᤜᤠ᤹ 12ᤛᤣ᤺ᤰᤕᤢᤰᤔᤡᤒᤠᤜᤠ᤹ 12
Compare ᤛᤣ᤺ᤰᤕᤢᤰᤔᤡᤒᤠᤜᤠ᤹ 12:17-25ᤛᤣ᤺ᤰᤕᤢᤰᤔᤡᤒᤠᤜᤠ᤹ 12:17-25