ᤛᤣ᤺ᤰᤕᤢᤰᤔᤡᤒᤠᤜᤠ᤹ 11:5-10

⁵“ᤀᤡᤱᤃᤠ᤹ ᤈᤥᤵᤐᤠ ᤕᤧᤰᤕᤰᤁᤥ ᤋᤢᤘᤠ ᤆᤥ᤺ᤰᤁᤡ ᤘᤕᤠᤱᤅᤡᤸᤗᤧ ᤛᤢᤑᤥᤎᤡᤰ ᤏᤡ᤺ᤛᤢᤱ॥ ᤋᤠᤱᤛᤠᤰᤐᤥᤗᤠᤶ ᤕᤶᤒᤠ ᤋᤣ᤺ᤳ ᤜᤧᤰᤋᤱᤒᤠᤴ ᤗᤡᤛᤡ ᤁᤢᤛᤢᤰᤐᤥ ᤂᤣ᤺ᤱᤔᤏᤠᤒᤠ ᤀᤠᤒᤣᤛᤠᤱ ᤔᤰᤌᤩᤧᤒᤠ ᤀᤡᤱᤃᤠ᤹ ᤏᤡ᤺ᤛᤢᤱ॥

⁶ᤂᤧᤵᤔᤥ ᤀᤡᤰᤛᤠᤀᤥᤒᤠ ᤁᤠᤰ ᤐᤖᤡᤰᤐᤠ ᤆᤠᤔᤠ ᤔᤧᤴᤏᤢ᤹ᤔᤏᤠᤒᤠ ᤁᤧᤛ᤺ᤴᤇᤡᤱᤒᤠ. ᤋᤠᤶᤓᤢᤱ ᤏᤢ ᤜᤡᤶᤌᤰᤛᤠᤜᤠ᤹ ᤜᤧᤰᤁᤩᤠᤱ ᤐᤢᤛᤠᤜᤠ᤹ ᤔᤧᤕᤠᤃᤧᤒᤠ ᤏᤡ᤺ᤛᤢᤱᤛᤡᤱ॥

⁷ᤋᤠᤱᤛᤠᤰᤐᤥᤗᤠᤶ ᤀᤡᤰᤗᤠᤎᤡᤰ ᤂᤧᤵᤛᤢᤱ. ‘ᤐᤋᤪᤢᤛᤣ. ᤐᤥᤃᤧ᤹᥄ ᤛᤧᤖᤧᤛᤧ᤹ᤀᤠᤱ ᤆᤧ᤹ᤀᤥ॥’

⁸ᤁᤖ ᤀᤡᤱᤃᤠ᤹ ᤏᤥᤃᤵ ᤐᤡᤖᤢᤱ. ‘ᤛᤧᤰᤂᤠᤛᤠᤱ ᤀᤰᤋᤱᤒᤠᤃ ᤀᤡᤱᤃᤠ᤹ ᤔᤧᤈᤠᤀᤠᤴᤗᤥ॥ ᤀᤠᤸᤗᤥ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤍᤠ᤺ᤰᤋᤢᤶᤒᤠ ᤆᤠ ᤌᤣᤀᤠᤱ ᤔᤧᤴᤈᤠᤀᤣ ᤘᤠ᤹ᤀᤠᤖᤥ॥’

⁹ᤕᤠᤶᤔᤥ ᤋᤠᤱᤛᤠᤰᤐᤥᤗᤠᤶ ᤂᤧᤴ ᤀᤡᤰᤗᤠ᤺ᤴ ᤂᤧᤵᤛᤢᤱ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢᤒᤠ ᤁᤢᤈᤠᤜᤠ᤹ ᤀᤠᤵᤑᤠᤸᤗᤧᤀᤠᤱ ᤕᤠᤵᤔᤡ ᤁᤧᤈᤡ᤺ᤶᤒᤠ ᤔᤧᤗᤣ᤺ᤳᤋᤧᤴᤏᤧ᤹ᤀᤥ॥’

¹⁰ᤜᤧᤰᤁᤣᤗ᤹ᤖᤡᤰ ᤛᤢᤶᤗᤧᤱ ᤀᤰᤂᤣ ᤐᤥ᤺ᤰᤂᤧᤀᤠᤱ ᤋᤠᤱᤛᤠᤱ ᤌᤥ ᤂᤧᤴ ᤐᤰᤂᤧ ᤋᤣ᤹ᤖᤧᤒᤠ ᤏᤡ᤺ᤛᤢᤱᤗᤥ॥