9ᤜᤧᤰᤁᤩᤠᤱ ᤁᤢᤍᤠ᤺ᤴᤍᤡᤰ ᤗᤧᤴᤍᤡᤰ ᤐᤥ᤺ᤰᤂᤧᤖ ᤐᤳᤇᤧᤸᤗᤧ ᤂᤧᤱᤜᤠ᤹ ᤈᤥᤵᤐᤠ ᤐᤣᤛᤠᤱ ᤔᤧᤃᤧᤖᤧ॥ ᤗᤧᤴᤍᤡᤰ ᤁᤢᤔᤢᤰ ᤌᤡᤰ-ᤏᤧᤳ (᥇᥈) ᤔᤢᤰᤋᤧᤸᤗᤧ ᤐᤋᤪᤢᤛᤧᤴ ᤋᤢᤘᤠ ᤆᤥ᤺ᤰᤛᤧ ᤌᤠ᤺ᤱᤛ᤻ᤔᤠ ᤀᤠ᤺ᤶᤓᤥᤀᤥ ᤐᤣ॥
10ᤂᤢᤏᤧ᤹ ᤛᤠ᤹ᤖᤡᤰ ᤁᤢᤛᤧᤳ ᤗᤠ᤺ᤰᤋᤧᤀᤠᤱ ᤌᤣᤀᤡ ᤆᤠᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧ. ᤜᤧᤰᤁᤩᤠᤱ ᤘᤣ᤹ᤜᤠ᤹ᤖᤧ ᤆᤠ ᤔᤧᤈᤥᤃᤢᤖ ᤔᤧᤒᤳᤇᤧᤸᤗᤧ ᤁᤢᤎᤏᤠ ᤗᤧᤰᤂᤧᤖᤥ॥
11ᤜᤧᤰᤁᤩᤠᤱ ᤋᤠᤱᤛᤠᤰᤐᤧᤴ ᤜᤖᤧᤒᤠ ᤁᤢᤀᤡᤛᤡ᤺ᤰ ᤂᤧᤳᤌᤥᤗᤠᤶ ᤕᤶᤒᤠ ᤋᤣ᤺ᤳ ᤜᤧᤰᤋᤱᤒᤠᤴ ᤗᤡᤛᤡ ᤁᤢᤛᤢᤰᤐᤥ ᤂᤣ᤺ᤱᤔᤏᤠᤒᤠ ᤌᤩᤧᤖ ᤐᤳᤇᤧᤒᤠ ᤏᤡ᤺ᤛᤢ॥
12ᤂᤧᤵᤔᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤠᤰ ᤐᤖᤡᤰᤗᤧᤴ ᤌᤰᤛᤠᤜᤠ᤹. ᤁᤧᤛ᤺ᤴᤇᤡᤱᤒᤠ ᤌᤰᤛᤠᤜᤠ᤹ ᤏᤢ ᤐᤢᤛᤠᤜᤠ᤹ ᤔᤧᤕᤠᤃᤧ॥ ᤂᤧᤱᤜᤠ᤹ᤀᤥ ᤕᤜᤢᤍᤡ ᤛᤠᤶᤕᤥᤌᤡᤶᤔᤡᤸᤗᤧ ᤆᤠᤔᤠ ᤀᤠᤶᤒᤡᤏᤧᤴᤒᤠᤜᤠ᤹ᤀᤠᤱ ᤔᤧᤕᤠᤃᤧ॥
13ᤜᤧᤰᤁᤩᤠᤱ ᤐᤋᤪᤢᤛᤖᤧ ᤀᤰᤂᤣ ᤁᤧᤗ᤹ᤒᤠ ᤀᤡᤰᤗᤠᤎᤡᤰ ᤂᤧᤵᤛᤢ. “ᤐᤋᤪᤢᤛᤣ. ᤐᤥᤃᤧ᤹᥄ ᤛᤧᤖᤧᤛᤧ᤹ᤀᤠᤱ ᤆᤧ᤹ᤀᤥ॥”