40ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ᤀᤣ ᤛᤢᤶᤕᤧᤴ ᤀᤣᤃᤠᤱ ᤑᤥ᤺ᤰᤂᤢᤀᤠᤱ ᤀᤥᤛᤣ᤺ᤴᤍᤠᤱ ᤆᤥᤃᤡᤃᤧᤖᤥ॥
41ᤂᤢᤏᤧ᤹ᤃ ᤁᤠᤰ ᤕᤜᤢᤍᤡᤜᤠ᤹ᤏᤢᤃ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤥ᤺ᤴᤍᤡ ᤐᤡᤛᤧ ᤛᤣᤃᤡᤃᤧᤒᤠᤜᤠ᤹ᤏᤢ ᤀᤥᤛᤣ᤺ᤴᤎᤠᤰᤛᤡᤱᤗᤥ॥ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤜᤡᤅᤧᤀᤠᤱ ᤀᤠᤏᤡᤃᤧ ᤂᤢᤏᤧ᤹ᤏᤢᤀᤣ ᤛᤥᤖᤡᤰ ᤆᤠ᤺ᤔᤏᤠ ᤌᤢᤱᤔᤏᤠᤖᤥ॥
42ᤜᤧᤰᤁᤩᤠᤱ ᤁᤠᤰ ᤔᤏᤠᤜᤠ᤹ ᤀᤡᤱᤓᤴ ᤆᤥ᤺ᤰᤔᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤛᤡ᤺ᤒᤠ ᤏᤢ ᤁᤧᤜᤡᤱᤒᤠᤜᤠ᤹ᤖᤧᤴ ᤂᤠᤛᤧᤴ ᤆᤥ᤺ᤰᤛᤧ ᤂᤢᤏᤧ᤹ᤀᤣ ᤛᤣᤃᤢᤒᤠ ᤐᤠ᤺ᤴᤏᤡᤴ ᤐᤠ᤺ᤳᤋᤧᤶᤔᤧ᤹ᤀᤥ ᤗ᤹ᤖᤡᤰ ᤂᤢᤏᤧ᤹ ᤕᤠᤵᤔᤡ ᤀᤡᤱᤈᤠ᤺ᤱ ᤐᤡᤖᤧᤖᤥ
43ᤁᤠᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤀᤰᤂᤣᤗ᤹ᤖᤡᤰ ᤔᤧᤒᤠ᤺ᤳᤋᤢᤀᤠᤱ ᤘᤠ᤹. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤢᤵ ᤆᤥᤃᤢᤒᤠ ᤜᤠᤱᤅᤡᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤀᤠᤳᤋᤡᤸᤗᤧᤛᤠᤱ ᤂᤢᤏᤧ᤹ᤗᤠᤶ ᤁᤢᤗᤠᤕᤥᤖᤧᤴ ᤗᤧᤵᤔᤡ ᤂᤥ᤺ᤛᤢᤖᤥ॥”
44ᤐᤋᤪᤢᤛᤖᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤖ ᤐᤳᤇᤧᤸᤗᤧᤛᤠ ᤂᤧᤴ ᤛᤢᤏᤠᤀᤡᤱ ᤁᤧᤄᤧᤶᤒᤠᤜᤠ᤹ ᤛᤶᤍᤠᤱ ᤛᤣᤛᤣᤔᤠᤱᤅᤡᤴ ᤆᤢᤰᤋᤧᤖᤥ॥
45ᤂᤧᤴ ᤐᤋᤪᤢᤛ ᤏᤢ ᤈᤥᤵᤐᤠᤗᤠᤶ ᤁᤧᤓᤧᤶᤒᤠ ᤕᤜᤢᤍᤡ ᤏᤛᤠᤏᤡᤒᤠᤜᤠ᤹ᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤛᤣᤛᤣᤔᤠᤱᤅᤡᤸᤗᤧᤴ ᤐᤷᤎᤠ᤺ᤶ ᤐᤡᤖᤢᤛᤡᤒᤠ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥
ᤛᤣ᤺ᤰᤕᤢᤰᤔᤡᤒᤠᤜᤠ᤹ 10
ᤛᤣ᤺ᤰᤕᤢᤰᤔᤡᤒᤠᤜᤠ᤹ 10:40-45