33ᤜᤧᤰᤁᤩᤠᤱ ᤂᤢᤏᤧ᤹ ᤀᤡᤛᤪᤠᤀᤡᤗ ᤛᤶᤍᤠᤱ ᤛᤍᤠᤍᤡᤱ ᤜᤠᤱ ᤆᤥᤃᤢ᤹ᤖᤥ॥ ᤂᤢᤏᤧ᤹ ᤁᤢᤜᤠᤱᤈᤢᤶᤔᤡᤴ ᤀᤠᤵᤑᤠᤸᤗᤧᤀᤠᤱ ᤔᤧᤏᤢᤵᤏᤧᤴᤗᤥ॥”
34ᤔᤖᤡᤕᤶᤔᤡᤸᤗᤧ ᤔᤠᤱᤗᤠᤀᤡᤱᤒᤠᤴ ᤛᤣ᤺ᤴᤍᤥᤛᤢ. “ᤁᤴ ᤀᤠᤰᤂᤣᤗ᤹ᤖᤡᤰ ᤐᤥ᤺ᤱᤒᤠᤒᤣ᥅ ᤀᤡᤱᤃᤠ᤹ᤃ ᤛᤡᤛᤠᤃᤧᤴ ᤔᤧᤴᤇᤡᤕᤠ᤹ᤀᤠᤖᤥ॥”
35ᤔᤠᤱᤗᤠᤀᤡᤱᤒᤠᤸᤗᤧ ᤏᤥᤃᤵ ᤐᤡᤖᤢ. “ᤛᤣᤛᤣᤔᤠᤱᤅᤡᤴ ᤁᤧᤛᤶᤍᤠᤱ ᤋᤠᤀᤠᤱ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤧᤄᤢ᤺ᤰᤗᤥ. ᤜᤧᤰᤁᤣᤗ᤹ᤖᤡᤰ ᤂᤧᤏᤧ᤹ᤀᤥᤗᤠᤶ ᤛᤠᤃᤧᤘᤠ᤺ᤴᤇᤡᤱᤒᤠᤱᤃ ᤏᤡᤱᤘᤠ᤹ᤑᤢᤛᤠ᤺ ᤔᤧᤔᤧᤳᤋᤢ᤹ᤖᤥ॥
36ᤂᤧᤵᤛᤧ᤹ᤀᤥ. ᤂᤧᤏᤧ᤹ ᤁᤧᤃᤠ᤹ᤀᤡ ᤀᤡᤗᤡᤛᤡᤒᤠ᤺ᤴ ᤂᤢᤏᤧ᤹ ᤁᤢᤃᤠᤵᤔᤥ ᤋᤢᤶᤔᤥ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤀᤠᤱ ᤘᤠ᤹॥ ᤀᤠᤸᤗᤥ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤛᤠ᤺ᤔᤧᤱᤃᤵᤔᤏᤠᤔᤠ ᤔᤧᤔᤧᤳᤋᤢᤛᤠᤱ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤒᤠ ᤗᤠ ᤋᤢᤰᤛᤡ ᤁᤧᤖᤧᤀᤠᤱ ᤘᤠ᤹ᤖᤥ॥
37ᤂᤧᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥ᤺ᤰᤔᤠ ᤔᤧᤛᤢᤰᤋᤢᤶᤒᤠ ᤕᤠ᤺ᤶᤒᤰ ᤌᤣᤀᤠᤱ ᤜᤥ᤺ᤵᤗᤥ॥”
38ᤔᤖᤡᤕᤔᤖᤧ ᤏᤥᤃᤵ ᤐᤡᤖᤢ. “ᤀᤡᤱᤃᤠ᤹ᤃ ᤍᤠᤱᤒᤠᤸᤗᤧ ᤁᤢᤛᤣᤘᤠᤖᤥᤔᤠᤀᤠᤖᤥ॥ ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤜᤧᤰᤁᤣᤀᤣ ᤁᤧᤳᤗᤖᤥ॥” ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤧᤴ ᤐᤣ॥
39ᤕᤠᤱᤛᤡ ᤔᤖᤡᤕᤶᤔᤡᤴᤏᤠᤱ ᤕᤜᤢᤍᤡᤕᤠ ᤌᤢᤶᤔᤥᤒᤠ ᤁᤥ᤺ᤰᤔᤠᤀᤥ ᤁᤧᤏᤧᤒᤠ ᤐᤠᤱᤈᤢᤶᤔᤥ ᤌᤠᤛᤡᤱ॥
40ᤂᤧᤵᤔᤥ ᤈᤁᤖᤡᤕᤠᤖᤧ ᤁᤢᤜᤡᤶᤔᤥ ᤁᤧᤖᤧᤀᤠᤱ ᤀᤡᤗᤡᤛᤡᤒᤠ᤺ᤴ ᤛᤣᤘᤠ ᤔᤧᤳᤋᤢᤖᤥ॥
ᤗᤢᤁᤠ 1
ᤗᤢᤁᤠ 1:33-40