ᤗᤢᤁᤠ 18:26-38

²⁶ᤁᤴ ᤐᤠ᤺ᤴ ᤁᤧᤄᤧᤶᤒᤠᤜᤠ᤹ᤖᤧ ᤂᤢᤏᤧ᤹ ᤛᤣ᤺ᤴᤔᤧᤍᤥᤛᤢ. “ᤜᤧᤰᤁᤣ᤺ᤸᤗᤧ ᤜᤠ᤺ᤳ ᤋᤠᤱᤛᤧ᤺ᤵᤔᤠ ᤛᤢᤰᤐᤠᤒᤣ᥅”

²⁷ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤔᤧᤴᤇᤠᤶ ᤕᤠᤵᤔᤡᤖᤧ ᤗᤠᤃᤡ ᤛᤢᤰᤔᤧᤴᤍᤧᤵᤔᤏᤠᤒᤠ ᤐᤠ᤺ᤴᤜᤠ᤹ᤃ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤢᤰᤋᤢ᤹ᤖᤥ॥”

²⁸ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧ ᤐᤠ᤺ᤳᤋᤢ. “ᤀᤠᤏᤡᤃᤧ ᤜᤡᤶᤎᤠ᤺ᤱ ᤗᤧᤖᤢᤶᤒᤧᤀᤠᤱ ᤂᤧᤏᤧ᤹ ᤋᤡᤶᤔᤠᤛᤡᤃᤧᤀᤠᤱ ᤘᤕᤡᤃᤧᤖᤥ॥”

²⁹ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤏᤡᤱᤘᤠ᤹ᤑᤢᤜᤠᤱᤈᤢᤶᤖᤧ ᤗᤠᤃᤡ ᤜᤡᤶᤎᤠ᤺ᤱ. ᤔᤣ᤺ᤳ. ᤑᤢ᤹ᤏᤢᤛᤠ᤹ᤜᤠ᤹. ᤔᤠ-ᤒᤠᤜᤠ᤹. ᤀᤡᤃᤪ ᤜᤡᤴᤈᤠ᤹ᤒᤡᤳᤇᤠᤜᤠ᤹ ᤁᤧᤗᤧᤵᤐᤠᤜᤠ᤹ᤖᤧ

³⁰ᤁᤴ ᤜᤡᤱᤔᤴᤏᤥ ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤔᤧᤄᤥ᤺ᤛᤢ᤹. ᤜᤧᤰᤁᤩᤠᤱ ᤁᤧᤍᤠ᤺ᤒᤠ ᤕᤧᤶᤔᤥ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤔᤧᤄᤥ᤺ᤛᤢ᤹ᤖᤥ॥”

³¹ᤕᤧᤛᤢᤖᤧ ᤌᤡᤰ-ᤏᤧᤳ (᥇᥈) ᤁᤢᤜᤢ᤹ᤛᤠᤶᤒᤠᤜᤠ᤹ ᤌᤡᤰᤗᤧᤵᤔᤠᤱ ᤋᤣ᤹ᤖᤢᤛᤡᤀᤠᤱ ᤔᤧᤳᤋᤢᤛᤡ. “ᤀᤠᤸᤗ ᤂᤧᤵᤛᤧᤶᤔᤧ᤹ᤀᤥ. ᤀᤠᤏᤡ᤹ᤃ ᤕᤖᤢᤛᤗᤧᤔ ᤌᤥ ᤀᤠᤒᤣ᤺ᤰᤗ ᤀᤠᤒᤳᤗᤥ॥ ᤂᤧᤵᤔᤥ ᤀᤢᤴᤇᤣ᤺ᤴᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤴᤇᤠᤶᤛᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤧᤛᤠᤵᤋᤢᤒᤠ ᤁᤧᤖᤧᤰ ᤐᤠ᤺ᤴᤏᤡᤴ ᤁᤧᤳᤗᤥ॥

³²ᤂᤢᤏᤧ᤹ ᤔᤧᤍᤧᤶᤛᤢᤀᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤜᤢᤰᤁᤥ ᤔᤧᤒᤡᤖᤢ᤹. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤁᤡᤏᤠ᤺ᤴᤍᤡ ᤔᤧᤒᤡᤖᤢ᤹. ᤁᤢᤏᤠᤔᤧᤎᤠᤛᤢ᤹. ᤌᤩᤠ᤺ᤳ ᤔᤧᤎᤥ᤺ᤰᤋᤢ᤹. ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢ᤹. ᤜᤧᤰᤁᤩᤠᤱ ᤂᤢᤏᤧ᤹ ᤋᤧ᤺ᤶᤓᤢᤰ ᤔᤧᤕᤠᤰᤋᤢᤀᤠᤱ ᤔᤧᤛᤧᤖᤢ᤹.

³³ᤜᤧᤰᤁᤣᤛᤠᤱ ᤛᤢᤶ ᤕᤧᤴ ᤀᤣᤃᤠᤱ ᤂᤢᤏᤧ᤹ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤜᤡᤱᤗᤥ॥”

³⁴ᤁᤖ ᤂᤧᤱᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤌᤣᤀᤠᤱ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴ. ᤌᤣᤀᤠᤱᤓᤧᤸᤗᤧ ᤁᤴ ᤐᤠ᤺ᤴᤏᤡᤸᤗᤧ ᤁᤢᤒᤣ᤺ᤴ ᤂᤧᤱᤜᤠ᤹ᤖᤥᤗᤠᤶ ᤔᤠ᤹ᤖᤧᤀᤠᤱ ᤘᤕᤧᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤁᤴ ᤐᤠ᤺ᤴᤏᤡᤴ ᤂᤢᤏᤡ᤹ ᤏᤡᤱᤘᤠ᤹ ᤛᤡᤃᤠᤱ ᤔᤧᤒᤣᤏᤧᤴᤗᤥ॥

³⁵ᤕᤧᤛᤢ᤺ᤴ ᤕᤧᤖᤡᤜᤥ ᤕᤧᤰᤕᤰᤁᤡᤸᤗᤧ ᤁᤢᤒᤣᤛᤠᤱ ᤁᤧᤖᤧᤸᤗᤧ ᤂᤧᤵᤔᤥ ᤔᤡᤰᤑ᤺ᤶᤒᤠᤎᤡᤰ ᤆᤠᤏᤠ᤺ᤰᤁᤡ ᤗᤠᤶᤔᤡᤸᤗᤧ ᤁᤢᤒᤣᤛᤠᤱ ᤕᤢᤅᤧ॥

³⁶ᤂᤧᤸᤗᤧ ᤁᤢᤒᤣᤛᤠᤱᤏᤢ ᤔᤏᤠᤜᤠ᤹ ᤔᤧᤒᤣ᤺ᤰᤗ ᤔᤧᤒᤳ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤌᤣ᤺ᤴᤏᤧ ᤐᤥ᤺ᤱᤗ ᤐᤵᤐᤣ ᤑᤠ᤹ᤀᤠᤱ ᤔᤏᤠᤜᤠ᤹ ᤛᤣ᤺ᤴᤍᤥᤛᤢᤛᤡ॥

³⁷ᤂᤧᤱᤜᤠ᤹ᤖᤧ ᤂᤧᤴ ᤏᤥᤃᤵ ᤔᤧᤒᤡᤖᤢ. “ᤏᤠᤛᤖᤋᤛ᤻ᤔᤠ ᤕᤧᤛᤢ᤺ᤴ ᤐᤣ᤺ᤰᤗ ᤐᤳᤗᤥ॥”

³⁸ᤂᤧᤸᤗᤧ ᤀ᤺ᤰᤋᤧᤖ ᤀᤰᤂᤣ ᤐᤠ᤺ᤳᤋᤢ. “ᤍᤠᤀᤢᤍᤖᤧ ᤁᤢᤛ᤻ᤛᤠ᤺ ᤕᤧᤛᤢᤀᤣ. ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤥ॥”