5ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤀᤠᤒᤠᤅᤣ ᤕᤠ᤺ᤶᤒᤰ ᤆᤥᤃᤢᤒᤠᤸᤗᤧ ᤔᤧ᤺ᤴ. ᤁᤖ ᤗᤠᤕᤥᤒᤠ ᤔᤏᤠ᤺ᤴ ᤀᤠᤵᤋᤡᤰ ᤔᤧ᤺ᤴᤏᤣᤒᤠ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤂᤧᤸᤗᤧ ᤏᤛᤠ᤺ᤴ ᤆᤥᤃᤢᤒᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤖᤥ॥
6ᤍᤠᤀᤢᤍ ᤜᤠᤱᤅᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤒᤠ ᤔᤏᤠ᤺ᤴ ᤀᤠᤰᤂᤧᤴ ᤔᤢ᤹ᤀᤡᤛᤠᤒᤠᤒᤣ ᤑᤠ᤹ᤀᤠᤱ ᤀᤰᤂᤣ ᤐᤠ᤺ᤳᤋᤢᤀᤠᤱ ᤐᤳ.
7“ᤗᤠᤕᤥᤗᤠᤶ ᤗᤧᤵᤔᤡ ᤁᤧᤄᤥ᤺ᤒᤠᤜᤠ᤹. ᤂᤢᤏᤡ᤹ ᤗᤠᤕᤥ᤺ᤴ ᤋᤧᤵᤋᤧᤀᤠᤱ ᤁᤧᤘᤠ᤹ᤒᤠᤜᤠ᤹ᤃ. ᤔᤢ᤹ᤀᤡᤛᤠᤒᤠᤛᤡᤖᤥ॥
8ᤀᤠᤳᤋᤡᤸᤗᤧ ᤁᤢᤗᤠᤕᤥ᤺ᤴ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤄᤠᤖᤥ᤺ᤳᤋᤥᤗᤠᤶ ᤋᤢᤃᤢᤍᤣ᤺ᤛᤢᤀᤠᤱ ᤘᤠ᤹. ᤂᤧᤴ ᤔᤏᤠ᤺ᤴ ᤔᤢ᤹ᤀᤡᤛᤠᤒᤠᤖᤥ॥”
9ᤁᤴ ᤔᤢ᤹ᤀᤡᤛᤠᤶᤔᤡᤱᤃ ᤜᤷᤍᤥ ᤁᤧᤜᤧᤰᤐᤠ ᤕᤜᤢᤍᤡᤜᤠ᤹ᤖᤧ ᤗᤠᤃᤡᤖᤰ ᤔᤧ᤺ᤴ. ᤁᤖ ᤜᤷᤍᤥ ᤔᤧᤴᤜᤧᤰᤔᤏᤠᤒᤠ ᤌᤡᤶᤔᤧᤴᤍᤱ ᤛᤢᤘᤠᤜᤠ᤹ᤖᤧ ᤗᤠᤃᤡᤀᤠᤱᤗᤥ॥ ᤀᤒᤪᤠᤜᤠᤔᤖᤧ ᤆᤥᤃᤢᤒᤠ ᤏᤛᤠ᤺ᤴᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤀᤠᤱ ᤘᤕᤧ ᤗ᤹ᤖᤡᤰ ᤀᤠᤏᤡᤃᤧᤃ ᤐᤠ᤺ᤳᤋᤢᤶᤒᤧᤖ ᤘᤕᤡᤃᤧᤖᤥ॥
10ᤁᤖ ᤀᤠᤵᤑᤠᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗ᤹ᤖᤡᤰ ᤗᤣ᤺ᤳᤋᤧᤒᤣ᥅ ᤁᤴ ᤐᤠ᤺ᤴᤏᤡᤴ ᤂᤢᤏᤧ᤹ ᤜᤷᤍᤥ ᤜᤧᤰᤔᤠᤏᤢ᤺ᤸᤗᤧ ᤋᤃᤡᤒᤡ ᤀᤡ ᤕᤠᤱᤛᤡ ᤐᤥ᤺ᤰᤂᤧᤒᤠᤒᤡ᥅ ᤛᤧᤰᤂᤠᤀᤣ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤧᤒᤠᤃ ᤋᤃᤡᤀᤣᤖᤥ॥
11ᤀᤒᤪᤠᤜᤠᤔᤖᤧ ᤂᤥ᤺ᤛᤢᤒᤠ ᤁᤴ ᤜᤷᤍᤥ ᤜᤧᤰᤔᤠ ᤌᤡᤶᤔᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤆᤥᤃᤢᤀᤠᤱ ᤘᤕᤧᤸᤗᤧ ᤜᤷᤍᤥ ᤔᤧᤴᤜᤧᤰᤁᤣᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤒᤠ ᤐᤠ᤺ᤴᤏᤡᤸᤗᤧᤴ ᤔᤡᤰᤛᤣ᤺ᤴᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤒᤪᤠᤜᤠᤶᤔᤡᤴ ᤜᤷᤍᤥ ᤔᤧᤴᤜᤧᤰᤁᤣᤛᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤖᤥ॥ ᤂᤧᤱᤜᤠ᤹ᤖᤧ ᤏᤛᤠ᤺ᤴ ᤔᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤛᤠᤶᤕᤥᤏᤡᤒᤠ ᤗᤣ᤺ᤳᤋᤢᤛᤡ᤹ᤖᤥ॥
12ᤀᤒᤪᤠᤜᤠᤶᤔᤡᤱᤃ ᤜᤷᤍᤥ ᤁᤧᤜᤧᤰᤐᤠᤜᤠ᤹ᤖᤧᤴᤏᤠᤱ ᤂᤢᤏᤡ᤹ ᤐᤠ᤺ᤖᤥ. ᤁᤖ ᤜᤷᤍᤥ ᤁᤧᤜᤧᤰᤐᤠᤀᤠᤱ ᤀᤒᤪᤠᤜᤠᤔᤖᤧ ᤜᤷᤍᤥ ᤜᤧᤰᤔᤠᤏᤢ᤺ᤸᤗᤧ ᤋᤃᤡ ᤁᤳᤋᤢᤒᤠ ᤁᤢᤀᤡᤛᤡ᤺ᤰ ᤏᤛᤠ᤺ᤴ ᤁᤧᤃᤵᤐᤠᤜᤠ᤹ᤖᤧᤴᤗᤰ ᤂᤢᤏᤡ᤹ ᤐᤠ᤺ᤖᤥ॥
ᤖᤥᤔᤡ 4
ᤖᤥᤔᤡ 4:5-12