ᤕᤢᤜᤢᤴᤏᤠ 9:3-8

³ᤕᤧᤛᤢᤖᤧ ᤏᤥᤃᤵ ᤐᤡᤖᤢᤛᤡ “ᤁᤱᤃ ᤀᤠᤒᤠᤅᤣ ᤁᤢᤗᤠᤕᤥ᤺ᤴ ᤏᤢ ᤁᤢᤶᤒᤠ ᤁᤢᤶᤔᤠᤛᤡᤖᤧ ᤂᤢᤴᤇᤡ᤹ ᤗᤠᤕᤥ᤺ᤸᤗᤧ ᤆᤥᤃᤢᤸᤗᤧᤀᤠᤱ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤴ ᤂᤢᤏᤧ᤹ᤀᤥ ᤏᤡᤎᤠ᤺ᤵᤗ ᤑᤠ᤹ᤀᤠᤱ ᤀᤰᤂᤣ ᤐᤥ᤺ᤰᤂᤧᤒᤠᤖᤥ॥

⁴ᤗᤧᤴᤍᤡᤰᤛᤠ ᤀᤡᤱᤃᤠ᤹ ᤕᤠᤵᤔᤡ ᤁᤧᤒᤠᤱᤒᤠᤸᤗᤧ ᤁᤢᤕᤠ᤺ᤶᤒᤰᤁᤡᤴ ᤀᤠᤏᤡ᤹ ᤆᤥ᤺ᤰᤔᤠ ᤐᤥ᤺ᤱᤗᤥ॥ ᤛᤧᤴᤍᤡᤰ ᤐᤥ᤺ᤱᤅᤠᤱᤃ ᤜᤠ᤺ᤳᤋᤠᤱ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤛᤢᤰᤏᤧᤴᤗᤥ॥

⁵ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤘᤠ᤹ᤀᤠᤖ ᤌᤠᤖᤡᤰ ᤀᤡᤱᤃᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤀᤥ᤺ᤳᤋᤡᤀᤠᤖᤥ॥”

⁶ᤀᤰᤂᤣ ᤐᤠ᤺ᤳᤋᤢᤖ ᤂᤢᤏᤧ᤹ ᤂᤠᤶᤔᤥ ᤌᤩᤠ᤺ᤳ ᤌᤥ᤺ᤰᤋᤢ ᤜᤧᤰᤁᤩᤠᤱ ᤂᤠᤶᤔᤡᤴ ᤁᤢᤎᤩᤠ᤺ᤳᤋᤥ ᤛ᤹ᤖᤢᤀᤠᤱ ᤂᤧᤴ ᤔᤡᤰᤑ᤺ᤶᤒᤠᤸᤗᤧ ᤁᤢᤔᤡᤰᤁᤥ ᤑᤳᤇᤢᤖᤥ॥

⁷ᤜᤧᤰᤁᤩᤠᤱ ᤂᤧᤴ ᤔᤡᤰᤑ᤺ᤶᤒᤠᤴ ᤔᤧᤳᤋᤢ. “ᤐᤣᤃᤧ᤹ᤀᤠᤱ ᤛᤡᤗᤥᤀᤠᤔ ᤘᤠᤒᤠᤰᤁᤥ ᤁᤧᤔᤡᤰᤁᤡᤴ ᤘᤠᤜᤵᤋᤧ᤹ᤀᤥ” (ᤜᤡᤒᤪᤢ ᤐᤠ᤺ᤴᤏᤥ ᤛᤡᤗᤥᤀᤠᤔ ᤑᤠ᤹ᤀᤡᤱᤃ “ᤐᤠᤱᤔᤏᤠᤒᤠ” ᤐᤥ᤺ᤱᤗᤥ)॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤔᤏᤠ᤺ᤴ ᤐᤣᤀᤠᤱ ᤁᤢᤔᤡᤰᤁᤡᤴ ᤘᤠᤜᤵᤋᤢ ᤜᤧᤰᤁᤩᤠᤱ ᤂᤠᤃᤧᤏᤡ᤺ᤒᤠ ᤐᤥ᤺ᤰᤂᤧᤀᤠᤱ ᤁᤢᤜᤡᤶᤔᤥ ᤐᤣᤖᤥ॥

⁸ᤂᤧᤸᤗᤧ ᤁᤢᤒᤠᤱᤓᤣ᤹ᤛᤠᤒᤠᤜᤠ᤹ ᤏᤢ ᤂᤧᤸᤗᤧ ᤆᤠᤏᤠ᤺ᤰᤋᤢᤒᤠ ᤁᤧᤏᤡ᤺ᤒᤠ ᤔᤏᤠᤜᤠ᤹ᤖᤧ ᤔᤧᤒᤠ᤺ᤳᤋᤢ. “ᤔᤧ᤺ᤶᤒᤧ᥄ ᤁᤴ ᤒᤠ ᤂᤧᤴ ᤆᤠ ᤁᤧᤏᤠ᤺ᤰᤐᤠᤖ ᤁᤧᤕᤢᤱᤒᤠᤴ ᤔᤧ᤺ᤶᤒᤡ᥅”