Text copied!
CopyCompare
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤢᤛᤱ ᤔᤠᤱᤜᤢᤵ - ᤕᤢᤜᤢᤴᤏᤠ - ᤕᤢᤜᤢᤴᤏᤠ 9

ᤕᤢᤜᤢᤴᤏᤠ 9:21-28

Help us?
Click on verse(s) to share them!
21ᤁᤖ ᤂᤢᤏᤧ᤹ ᤀᤠᤰᤂᤣᤗ᤹ᤖᤡᤰ ᤂᤠᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧ. ᤜᤠ᤺ᤳᤗᤧ ᤂᤢᤏᤧ᤹ ᤜᤧᤰᤁᤣ ᤆᤥᤃᤢᤐᤡᤖᤢ. ᤀᤠᤴᤇᤡᤃᤧ ᤌᤣᤀᤠᤱ ᤔᤧᤏᤡ᤺ᤛᤢᤃᤧᤴᤗᤥ॥ ᤂᤧᤴ ᤌᤠᤱᤒᤧᤴ ᤁᤧᤖᤧᤀᤠᤱ ᤘᤠ᤹. ᤀᤠᤒᤠᤅᤣ ᤐᤠ᤺ᤵᤔᤠ ᤛᤢᤰᤋᤢ᤹ᤖᤥ॥ ᤂᤢᤏᤧ᤹ᤀᤣ ᤛᤣ᤺ᤴᤗᤠᤵᤋᤧᤶᤔᤧ᤹ᤀᤥ॥”
22ᤂᤧᤸᤗᤧ ᤁᤢᤶᤔᤠ ᤁᤢᤶᤒᤠᤛᤡᤖᤧ ᤌᤣᤀᤠᤱ ᤜᤧᤰᤁᤣ ᤐᤠ᤺ᤳᤋᤧᤳᤇᤢᤓᤧᤸᤗᤧ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤏᤢ ᤂᤢᤴᤇᤡ᤹ ᤁᤡ᤺ᤛᤧᤳᤇᤡᤀᤠᤱ ᤘᤕᤧᤳᤇᤡᤖᤥ॥ ᤌᤣᤀᤠᤱᤓᤧᤸᤗᤧ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤀᤠᤳᤋᤡᤸᤗᤧ ᤕᤧᤛᤢ᤺ᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋ ᤑᤠ᤹ᤀᤠᤱ ᤏᤛᤠ᤺ᤴ ᤆᤥᤃᤢ᤹ ᤂᤧᤴ ᤔᤏᤠ᤺ᤴ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥᤗᤠᤶ ᤗ᤺ᤵᤔᤠᤍᤣ᤺ᤔᤠ ᤐᤥ᤺ᤱ ᤑᤠ᤹ᤀᤠᤱ ᤔᤢᤖᤠ ᤔᤧᤍᤱᤄᤢᤀᤠᤱ ᤔᤧᤘᤕᤧᤖᤥ॥
23ᤂᤧᤸᤗᤧ ᤆᤥᤃᤢᤸᤗᤧ ᤁᤢᤶᤔᤠ ᤁᤢᤶᤒᤠᤛᤡᤖᤧ ᤂᤧᤴ ᤌᤠᤱᤒᤧᤴ ᤁᤧᤖᤧᤀᤠᤱ ᤘᤠ᤹. ᤂᤢᤏᤧ᤹ᤀᤣ ᤛᤣ᤺ᤴᤗᤠᤵᤋᤧᤶᤔᤧ᤹ᤀᤥ ᤑᤠ᤹ᤀᤠᤱ ᤐᤠ᤺ᤳᤋᤧᤳᤇᤢᤒᤠᤖᤥ॥
24ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤂᤧᤴ ᤂᤠᤏᤡ᤺ᤔᤠ ᤁᤧᤛᤢᤰᤐᤠ ᤁᤧᤒᤥ᤺ᤱᤒᤠ ᤔᤡᤰᤑ᤺ᤶᤒᤠᤴ ᤕᤠᤶᤔᤥ ᤔᤧᤀᤢ᤺ᤳᤋᤢᤀᤠᤱ ᤔᤧᤔᤧᤳᤋᤢ. “ᤂᤧᤏᤧ᤹ ᤛᤧᤰᤂᤠ ᤐᤠ᤺ᤴ ᤐᤠ᤺ᤳᤋᤠ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤔᤠᤱᤜᤧᤰᤛᤡᤱᤅᤧ᤹ᤀᤥ॥ ᤂᤧᤴ ᤕᤧᤛᤢ ᤔᤧᤵᤔᤏᤠᤒᤠ ᤔᤏᤠ᤺ᤱᤃ ᤛᤧᤰᤂᤠᤛᤠᤱ ᤗᤠᤕᤥᤒᤠᤀᤣᤖᤥ ᤑᤠ᤹ᤀᤠᤱ ᤀᤠᤏᤡᤃᤧ ᤏᤡ᤺ᤛᤢᤶᤒᤧᤖᤥ॥”
25ᤂᤧᤸᤗᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤂᤢᤏᤧ᤹ᤃ ᤗᤠᤕᤥᤒᤠᤒᤡ ᤔᤧ᤺ᤶᤒᤡ ᤀᤡᤱᤃᤠ᤹ ᤌᤣᤀᤠᤱ ᤔᤧᤏᤡᤀᤠᤴᤗᤥ. ᤁᤖ ᤀᤡᤱᤃᤠ᤹ ᤗᤳᤌᤡᤰ ᤐᤠ᤺ᤴ ᤏᤡ᤺ᤛᤢᤱ॥ ᤀᤡᤱᤃᤠ᤹ ᤔᤡᤰᤑ᤺ᤶᤒᤠ ᤘᤕᤠᤱ. ᤁᤖ ᤀᤠᤸᤗᤥ ᤂᤠᤏᤡ᤺ᤔᤠ ᤛᤢᤰᤋᤢᤱᤗᤥ᥄”
26ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤂᤧᤴ ᤕᤠᤶᤔᤥ ᤛᤣ᤺ᤴᤔᤧᤍᤥᤛᤢ. “ᤂᤧᤸᤗᤧ ᤂᤧᤏᤧ᤹ ᤌᤣ ᤁᤧᤈᤥᤃᤧᤀᤠᤱ ᤂᤠᤏᤡ᤺ᤔᤠ ᤁᤧᤛᤢᤰᤐᤠ ᤁᤧᤒᤥ᤺ᤰᤂᤧᤒᤣ᥅”
27ᤂᤧᤸᤗᤧ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ ᤀᤠᤴᤍᤧ᤺ᤴᤇᤠ ᤔᤧᤳᤏᤡᤱᤒᤠ ᤁᤖ ᤂᤡᤏᤡ᤹ ᤁᤧᤱᤄᤧᤵᤛᤢᤶᤔᤡᤴ॥ ᤌᤣᤀᤠᤱ ᤕᤠᤶᤔᤥ ᤂᤧᤶᤔᤠ ᤁᤧᤃᤥ᤺ᤳᤋᤢᤶᤒᤠᤒᤣ᥅ ᤂᤡᤏᤡ᤹ᤀᤠᤱ ᤂᤢᤏᤧ᤹ ᤁᤢᤜᤢ᤹ᤛᤠᤶᤒᤠ ᤐᤥ᤺ᤱᤔᤠ ᤏᤡᤱᤘᤠ᤹ ᤁᤧᤈᤥᤃᤢᤶᤔᤠᤱ ᤁᤧᤘᤕᤡ᤹ᤒᤡ᥅”
28ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤁᤢᤏᤠ ᤔᤧᤎᤠ᤺ᤛᤢᤖ ᤔᤧᤔᤧᤳᤋᤢ. “ᤂᤧᤏᤧ᤹ᤀᤣ ᤂᤧᤸᤗᤧ ᤁᤢᤜᤢ᤹ᤛᤠᤶᤒᤠᤏᤧᤖᤥ. ᤁᤖ ᤀᤠᤏᤡᤃᤧᤃ ᤔᤥᤛᤠᤖᤧ ᤁᤢᤜᤢ᤹ᤛᤠᤶᤒᤠᤛᤡᤃᤧᤖᤥ॥

Read ᤕᤢᤜᤢᤴᤏᤠ 9ᤕᤢᤜᤢᤴᤏᤠ 9
Compare ᤕᤢᤜᤢᤴᤏᤠ 9:21-28ᤕᤢᤜᤢᤴᤏᤠ 9:21-28