ᤕᤢᤜᤢᤴᤏᤠ 9:16-19

¹⁶ᤁᤢᤓᤠ ᤑᤖᤡᤛᤡᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢ. “ᤁᤴ ᤕᤧᤛᤢ ᤔᤧᤵᤔᤏᤠᤒᤠᤱᤃ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤋᤩᤧᤒᤠ ᤔᤧ᤺ᤴᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤏᤠ᤺ᤶᤛᤡᤱ ᤕᤧᤴᤏᤥ ᤕᤠ᤺ᤶᤒᤰ ᤆᤥ᤺ᤰ॥” ᤁᤖ ᤘᤣ᤹ᤜᤠ᤹ᤖᤧ ᤔᤧᤒᤠ᤺ᤳᤋᤢ. “ᤜᤧᤰᤁᤣ᤺ᤸᤗᤧ ᤗᤠᤕᤥᤒᤠ ᤔᤏᤠ᤺ᤸᤗᤧ ᤀᤠᤰᤂᤣᤗ᤹ᤖᤡᤰ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤢᤰᤋᤢᤒᤣ᥅” ᤜᤧᤰᤁᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤧᤍᤅᤧᤴᤏᤠᤱ ᤔᤧᤛᤧᤖᤧᤖᤥ॥

¹⁷ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤀᤠᤸᤗᤛᤠᤱ ᤕᤠᤶᤔᤥ ᤛᤣ᤺ᤴᤔᤧᤍᤥᤛᤢ. “ᤕᤧᤛᤢᤖᤧ ᤂᤧᤏᤧ᤹ ᤏᤡ᤺ᤔᤠ ᤁᤧᤛᤢᤰᤐᤠ ᤁᤧᤈᤥᤃᤧᤀᤠᤱ ᤁᤧᤘᤠ᤹. ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤂᤧᤏᤧ᤹ ᤌᤣ ᤁᤧᤒᤠ᤺ᤳᤋᤢᤒᤣ᥅” ᤂᤧᤸᤗᤧ ᤏᤥᤃᤵ ᤐᤡᤖᤢᤛᤡ. “ᤂᤢᤏᤧ᤹ᤃ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤖᤥ॥”

¹⁸ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ᤖᤧ ᤀᤠᤸᤗᤛᤠᤱ ᤂᤧᤴ ᤔᤡᤰᤑ᤺ᤶᤒᤠᤴ ᤛᤠᤘᤠ᤺ᤴᤇᤡᤱᤅᤠᤱᤎᤥᤀᤣ ᤔᤡᤰᤑ᤺ᤶᤒᤠ ᤘᤕᤧ ᤑᤠ᤹ᤀᤠᤱ ᤏᤛᤠ᤺ᤴ ᤆᤥ᤺ᤰᤔᤠ ᤔᤧᤴᤇᤢᤰᤋᤢᤴᤗᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤸᤗᤧ ᤁᤢᤶᤔᤠ ᤁᤢᤶᤒᤠᤛᤡ ᤔᤧᤀᤢ᤺ᤳᤋᤢᤛᤡᤀᤠᤱ ᤛᤣ᤺ᤴᤔᤧᤍᤥᤛᤢᤛᤡ.

¹⁹“ᤁᤴ ᤔᤡᤰᤑ᤺ᤶᤒᤠᤴ ᤂᤡᤴᤇᤡ᤹ ᤛᤠ᤺ᤒᤡ᥅ ᤜᤧᤰᤁᤩᤠᤱ ᤁᤴ ᤛᤠᤘᤠ᤺ᤴᤇᤡᤱᤅᤠᤱᤎᤥᤀᤣ ᤔᤡᤰᤑ᤺ᤶᤒᤠ ᤘᤕᤧᤒᤡ᥅ ᤁᤴ ᤀᤠᤰᤂᤣᤗ᤹ᤖᤡᤰ ᤀᤠᤸᤗᤥ ᤂᤠᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧᤒᤣ᥅”