ᤕᤢᤜᤢᤴᤏᤠ 8:48-55

⁴⁸ᤕᤜᤢᤍᤡᤜᤠ᤹ᤖᤧ ᤕᤧᤛᤢ᤺ᤴ ᤏᤥᤃᤵ ᤔᤧᤒᤡᤖᤢ. “ᤂᤧᤏᤧ᤹ ᤛᤠᤔᤖᤡ ᤛᤢᤘᤠᤱᤒᤠᤏᤧ ᤜᤧᤰᤁᤩᤠᤱ ᤂᤧᤏᤧ᤹ ᤑᤧᤴᤛᤠᤶᤔᤡᤸᤗᤧ ᤁᤧᤍᤖᤧᤀᤠᤱ ᤘᤠ᤹ ᤑᤠ᤹ᤀᤠᤱ ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧᤒᤠ ᤐᤠ᤺ᤴᤏᤡᤴ ᤛᤧᤰᤂᤠᤀᤣᤖᤥ॥”

⁴⁹ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ᤃ ᤑᤧᤴᤛᤠᤶᤔᤡᤸᤗᤧ ᤔᤧᤴᤕᤠᤱᤅᤣ ᤘᤠ᤹ᤀᤠᤖᤥ॥ ᤀᤡᤱᤃᤠ᤹ ᤐᤠᤏᤢᤍᤡᤱ ᤀᤠᤶᤒᤠ᤺ᤴ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤢᤱ. ᤁᤖ ᤂᤡᤏᤡ᤹ᤃ ᤀᤡᤱᤃᤠ᤹ ᤀᤡᤱᤎᤠ᤺ᤱ ᤕᤠᤵᤔᤡ ᤁᤧᤶᤒᤡᤖᤡᤴᤗᤥ॥

⁵⁰ᤀᤡᤱᤃᤠ᤹ᤃ ᤀᤠᤵᤑᤣ᤺ᤰ ᤀᤠᤔᤡᤔᤡᤍᤡᤱᤅᤡᤴ ᤔᤧᤃᤥ᤺ᤳᤋᤢᤱᤅᤡᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤔᤡᤔᤡᤍᤡᤱᤅᤡᤴ ᤁᤥ᤺ᤳᤋᤢ᤹. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤂᤠᤛᤧᤴᤗᤥ᤺ᤶᤒᤠᤖᤥ॥

⁵¹ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤀᤠᤳᤋᤡᤸᤗᤧ ᤀᤠᤏᤡᤛᤠᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢ᤹. ᤂᤧᤴ ᤀᤠᤵᤑᤠᤸᤗᤧᤀᤠᤱ ᤔᤧᤛᤡ᤺ᤏᤧᤴᤗᤥ॥”

⁵²ᤜᤧᤰᤁᤣ᤺ᤸᤗᤧ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤀᤠᤸᤗ ᤂᤧᤏᤧ᤹ ᤛᤧᤰᤂᤠᤀᤣ ᤑᤧᤴᤛᤠᤶᤔᤡᤸᤗᤧ ᤁᤧᤕᤠᤱᤄᤧᤀᤠᤱ ᤁᤧᤘᤠ᤹ ᤁᤧᤗ᤹ᤒᤠᤴ ᤁᤢᤛᤡᤱ ᤏᤡ᤺ᤳᤋᤢᤶᤒᤧᤖᤥ॥ ᤌᤣᤀᤠᤱᤓᤧᤸᤗᤧ ᤀᤒᤪᤠᤜᤠᤶᤔᤡᤴ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤁᤠᤰ ᤔᤧᤛᤩᤧ ᤔᤧᤄᤧᤖᤧ. ᤁᤖ ᤂᤧᤏᤧ᤹. ᤀᤠᤳᤋᤡᤸᤗᤧ ᤀᤡᤱᤃᤠ᤹ ᤀᤠᤏᤡᤛᤠᤶᤔᤡᤴ ᤀᤡ᤺ᤳᤋᤢ ᤏᤠ᤺ᤳᤋᤢ᤹. ᤂᤧᤴ ᤀᤠᤵᤑᤠᤸᤗᤧᤀᤠᤱ ᤔᤧᤛᤡ᤺ᤏᤧᤴᤗᤥ ᤗ᤹ᤖᤡᤰ ᤁᤧᤒᤠ᤺ᤳᤋᤢ᤹ᤖᤥ॥

⁵³ᤂᤧᤏᤧ᤹ ᤀᤠᤏᤡᤃᤧ ᤛᤢᤎᤧᤒᤠ ᤋᤠᤰᤌᤧᤒᤠ ᤀᤒᤪᤠᤜᤠᤶᤔᤡᤴᤏᤢ᤺ᤸᤗᤧᤀᤠᤱ ᤕᤶᤒᤠᤏᤧᤒᤡ᥅ ᤂᤢᤏᤧ᤹ᤃ ᤛᤩᤧ ᤜᤧᤰᤁᤩᤠᤱ ᤁᤠᤰ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤀᤠᤱ ᤔᤧᤛᤩᤧᤖᤥ॥ ᤂᤧᤏᤧ᤹ᤃ ᤀᤠᤒᤠᤅᤣ ᤜᤠ᤺ᤳᤀᤠ ᤁᤧᤗ᤹ᤒᤣ᥅”

⁵⁴ᤕᤧᤛᤢᤖᤧ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ ᤀᤠᤒᤠᤅᤣ ᤆᤶᤛᤡᤱᤅᤠᤏᤧ ᤑᤠ᤹ᤃᤪ ᤂᤧᤱᤃ ᤌᤣᤀᤠᤱ ᤔᤧ᤺ᤴᤗᤥ. ᤁᤖ ᤂᤡᤏᤡ᤹ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱ ᤁᤧᤔᤧᤳᤋᤢᤶᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧᤀᤣ ᤀᤡᤱᤃᤠ᤹ ᤀᤠᤔᤡᤔᤡᤍᤡᤱ ᤆᤥᤃᤢ᤹ᤖᤥ॥

⁵⁵ᤂᤡᤏᤡ᤹ᤃ ᤂᤢᤏᤧ᤹ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤇᤠᤱ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤔᤧᤏᤡ᤺ᤳᤋᤢᤱᤅᤡᤴ ᤗ᤹ᤖᤡᤰ ᤐᤠ᤺ᤳᤋᤢᤱᤏᤧ ᤑᤠ᤹ᤃᤪ ᤂᤡᤏᤡ᤹ ᤜᤧᤰᤁᤣᤀᤣ ᤀᤡᤱᤃᤠ᤹ ᤀᤡᤱᤗᤧᤰᤁᤣ ᤐᤥ᤺ᤱᤅᤠᤖᤥ. ᤁᤖ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤢᤱᤅᤠᤱ ᤁᤢᤒᤠ᤺ᤴᤈᤠᤰᤁᤡᤴ ᤀᤡ᤺ᤳᤋᤢᤱ ᤏᤠ᤺ᤳᤋᤢᤱᤗᤥ॥