Text copied!
CopyCompare
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤢᤛᤱ ᤔᤠᤱᤜᤢᤵ - ᤕᤢᤜᤢᤴᤏᤠ - ᤕᤢᤜᤢᤴᤏᤠ 8

ᤕᤢᤜᤢᤴᤏᤠ 8:4-18

Help us?
Click on verse(s) to share them!
4ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤛᤣ᤺ᤴᤔᤧᤍᤥᤛᤢ. “ᤛᤡᤰᤛᤠᤶᤒᤣ. ᤁᤴ ᤔᤧᤴᤇᤢᤔᤠ᤹ᤀᤡᤴ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥᤃᤧᤖ ᤐᤳᤇᤧᤸᤗᤧᤀᤣ ᤔᤧᤍᤧᤶᤛᤢᤀᤠᤱ ᤋᤠᤖᤢᤶᤒᤧᤒᤠᤖᤥ॥
5ᤛᤠᤶᤕᤥᤌᤡᤶ ᤛᤠᤵᤗᤠᤀᤥ ᤔᤥᤛᤠ᤺ᤸᤗᤧᤃ ᤀᤰᤋᤱᤔᤠ ᤔᤧᤴᤇᤢᤔᤠ᤹ᤀᤡᤴ ᤗᤢᤱᤅᤡᤸᤗᤧ ᤗᤧᤵᤔᤠ ᤛᤧᤵᤔᤠ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤡᤃᤧᤀᤠᤱ ᤘᤠ᤹ᤖᤥ. ᤁᤖ ᤂᤧᤏᤧ᤹ᤃ ᤌᤣ ᤕᤠᤵᤔᤡ ᤁᤧᤔᤧᤵᤐᤣ᥅”
6ᤂᤧᤱᤜᤠ᤹ᤖᤧ ᤂᤢᤏᤧ᤹ ᤐᤠ᤺ᤴᤏᤥ ᤌᤠ᤺ᤔᤠᤀᤠᤱ ᤁᤢᤍᤰᤗᤧᤱᤘᤠᤀᤥᤒᤠ ᤐᤠ᤺ᤴᤏᤡᤴ ᤂᤥ᤺ᤔᤠ ᤑᤠ᤹ᤀᤠᤱ ᤁᤴ ᤛᤣ᤺ᤴᤔᤧᤍᤥᤛᤢᤀᤠᤱ ᤘᤕᤧ. ᤁᤖ ᤕᤧᤛᤢ᤺ᤴ ᤌᤢ᤺ᤱᤛᤡᤱᤅᤠᤱ ᤂᤠᤶᤒᤠᤱᤅᤥ ᤌᤣᤎᤣᤀᤡ ᤁᤢᤜᤢᤰᤆᤥ᤺ᤸᤗᤧ ᤛᤠᤵᤋᤢᤖ ᤕᤢᤅᤧ॥
7ᤂᤧᤱᤜᤠ᤹ᤖᤧ ᤀᤧᤳᤗᤧᤱ ᤛᤣ᤺ᤴᤔᤧᤍᤥᤛᤢᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤐᤥᤃᤧᤀᤠᤱ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ᤀᤥ ᤀᤠᤸᤗᤥ ᤌᤠᤖᤡᤰ ᤗᤠᤕᤥ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ᤒᤠ ᤜᤠ᤺ᤳ ᤘᤠ᤹᥅ ᤜᤠᤖᤠ᤹ ᤒᤠ ᤂᤧᤸᤗᤧᤀᤣ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤴ ᤔᤧᤴᤇᤢᤔᤠ᤹ᤀᤡᤴ ᤗᤢᤱᤅᤡᤸᤗᤧ ᤗᤧᤵᤋᤢᤖᤖᤥ॥”
8ᤂᤢᤏᤧ᤹ ᤕᤠᤶᤔᤥ ᤀ᤺ᤰᤂᤢᤶ ᤑᤴᤇᤡᤱᤅᤠᤱ ᤂᤠᤶᤒᤠᤱᤅᤥ ᤛᤠᤵᤔᤠ ᤜᤣ᤺ᤰᤋᤢᤖᤥ॥
9ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤋᤢᤶᤓᤠᤰᤛᤠ ᤜᤧᤰᤁᤩᤠᤱ ᤂᤧᤴᤏᤠᤱ ᤕᤥᤒᤠᤜᤠ᤹ ᤌᤡᤰ ᤌᤡᤰ ᤗ᤹ᤖᤡᤰ ᤐᤣ᤺ᤰᤔᤠ ᤔᤧᤜᤣ᤺ᤰᤋᤧᤖᤥ॥ ᤜᤧᤰᤁᤩᤠᤱ ᤂᤧᤵᤔᤥ ᤕᤧᤛᤢ᤺ᤴ ᤏᤢ ᤂᤧᤴ ᤔᤧᤴᤇᤢᤔᤠ᤹ᤀᤡᤴᤗᤰ ᤕᤠ᤺ᤰᤋᤧᤳᤇᤡᤖᤥ॥
10ᤜᤧᤰᤁᤩᤠᤱ ᤕᤧᤛᤢ᤺ᤴ ᤐᤥᤃᤧᤀᤠᤱ ᤂᤧᤴ ᤛᤣ᤺ᤴᤍᤥᤛᤢ “ᤔᤠᤔᤢᤀᤣ. ᤂᤧᤏᤧ᤹ ᤐᤠ᤺ᤴ ᤁᤧᤎᤡᤰᤐᤠᤜᤠ᤹ ᤀᤠᤳᤋᤡ ᤔᤧᤒᤣᤒᤣ᥅ ᤜᤠ᤺ᤳᤗᤧᤀᤠᤱ ᤂᤧᤏᤧ᤹ ᤐᤠ᤺ᤴ ᤁᤧᤴᤎᤡᤰᤋᤧᤴᤒᤡ᥅”
11ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤏᤥᤃᤵ ᤐᤡᤖᤢ. “ᤜᤥ᤺ᤵᤗᤥ. ᤀᤠᤍᤠᤱᤒᤣ᥄” ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧᤀᤠᤱ ᤔᤧᤳᤋᤢ. “ᤀᤡᤱᤃᤠ᤹ᤀᤠᤱ ᤔᤧᤎᤡᤰᤏᤧᤴᤗᤥ॥ ᤐᤣᤃᤧ᤹ᤀᤥ. ᤁᤖ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤗᤠᤕᤥ ᤔᤧᤈᤥᤃᤧᤴᤏᤧ᤹ᤀᤥ॥”))
12ᤜᤧᤰᤁᤩᤠᤱ ᤕᤧᤛᤢᤖᤧ ᤕᤠᤶᤔᤥ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤀᤥ᤺ᤳᤋᤡᤀᤠᤖᤥ॥ ᤜᤠ᤺ᤳᤗᤧ ᤀᤡᤱᤃᤠ᤹ ᤏᤛᤠ᤺ᤴ ᤆᤥ᤺ᤰᤁᤠ ᤂᤧᤴᤏᤢ ᤜᤡᤱᤔᤴ ᤁᤧᤒᤡᤒᤠ ᤀᤥ᤺ᤳᤋᤡ᤺ᤴ ᤘᤠ᤹ ᤜᤧᤰᤁᤩᤠᤱ ᤀᤠᤵᤑᤠᤸᤗᤧᤀᤠᤱ ᤂᤧᤴ ᤂᤠᤍᤠᤶᤔᤥ ᤗᤠᤱᤄᤣ᤺ᤰᤔᤠ ᤔᤧᤒᤥ᤺ᤱᤏᤧᤸᤗᤥ॥”
13ᤑᤖᤡᤛᤡᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤂᤧᤏᤧ᤹ᤃ ᤀᤠᤒᤠᤅᤣ ᤁᤧᤕᤠ᤺ᤶᤒᤣᤀᤥ ᤁᤧᤒᤠ᤺ᤳᤋᤢ᤹ᤖᤥ ᤜᤧᤰᤁᤩᤠᤱ ᤁᤧᤒᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ᤃ ᤛᤧᤰᤂᤠ ᤔᤧ᤺ᤴᤗᤥ॥”
14ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤠᤒᤠ᤺ᤴᤜᤠ᤹ ᤀᤠᤒᤠᤅᤣ ᤐᤠ᤺ᤳᤋᤢᤱᤛᤠᤱ ᤂᤧᤴ ᤛᤧᤰᤂᤠᤀᤣᤖᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤳᤋᤥᤗᤠᤶ ᤋᤩᤠᤱᤅᤠᤱ ᤀᤠᤳᤋᤠᤴ ᤐᤣ᤺ᤰᤁᤠᤖ ᤐᤳᤋᤠ ᤂᤧᤴ ᤏᤢ᤺ᤖᤡᤰᤁᤠᤱ ᤏᤡ᤺ᤛᤢᤱᤗᤥ ᤁᤖ ᤂᤡᤏᤡ᤹ᤃ ᤀᤡᤱᤃᤠ᤹ ᤀᤠᤳᤋᤥᤗᤠᤶ ᤋᤩᤠᤱᤒᤠ ᤜᤧᤰᤁᤩᤠᤱ ᤀᤠᤳᤋᤥ ᤐᤣ᤺ᤰᤁᤠᤖ ᤐᤳᤋᤠ ᤂᤧᤴ ᤌᤣᤀᤠᤱ ᤁᤧᤴᤏᤡ᤺ᤛᤢᤶᤔᤡᤴᤗᤥ॥
15ᤂᤡᤏᤡ᤹ᤃ ᤔᤧᤴᤇᤠᤶ ᤌᤡᤶ ᤁᤢᤀᤡᤛᤡ᤺ᤰᤁᤣ ᤂᤠᤛᤧᤴ ᤁᤧᤗᤥ᤺ᤴᤍᤡ᤹ᤖᤥ. ᤁᤖ ᤀᤡᤱᤃᤠ᤹ᤃ ᤀᤠᤳᤋᤡᤸᤗᤧᤴᤏᤠᤱ ᤂᤠᤛᤧᤴ ᤔᤧᤈᤥᤃᤢᤱᤅᤡᤴᤗᤥ॥
16ᤁᤖ ᤀᤡᤱᤃᤠ᤹ ᤂᤠᤛᤧᤴ ᤆᤥᤃᤢᤱᤏᤧ ᤑᤠ᤹ᤃᤪ ᤀᤠᤄᤠᤛᤧᤴᤏᤡᤴ ᤛᤧᤰᤂᤠᤀᤣ ᤐᤥ᤺ᤱᤗᤥ. ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤖᤰ ᤜᤥ᤺ᤵᤐᤠᤖᤥ॥ ᤀᤡᤱᤃᤠ᤹ᤏᤢᤃ ᤕᤠᤵᤔᤡ ᤁᤧᤒᤠᤱᤒᤠ ᤐᤠᤏᤢᤍᤡᤱ ᤀᤠᤶᤒᤠᤀᤠᤱ ᤘᤠ᤹ᤖᤥ॥
17ᤂᤡᤏᤡ᤹ ᤛᤠᤶᤕᤥᤌᤡᤶᤔᤥ ᤏᤧᤵᤑᤢ ᤔᤏᤠᤜᤠ᤹ᤖᤧ ᤌᤡᤰ ᤐᤠ᤺ᤴᤏᤥ ᤋᤱᤛᤡᤀᤠᤱ ᤋᤥ᤺ᤴᤍᤡ ᤐᤡᤛᤢᤏᤧ ᤑᤠ᤹ᤃᤪ ᤂᤧᤴ ᤋᤥ᤺ᤴᤍᤡᤴ ᤛᤧᤰᤂᤠᤀᤣ ᤐᤥ᤺ᤱᤗᤥ ᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳᤗᤥ॥
18ᤀᤡᤱᤃᤠ᤹ ᤀᤠᤕᤠ᤺ᤶᤒᤣᤀᤥ ᤋᤥ᤺ᤴᤍᤡ ᤐᤡᤖᤢᤱᤗᤥ. ᤜᤧᤰᤁᤩᤠᤱ ᤕᤠᤵᤔᤡ ᤁᤧᤒᤠᤱᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧᤀᤠᤱ ᤀᤠᤕᤠ᤺ᤶᤒᤣᤀᤥ ᤋᤥ᤺ᤴᤍᤡ ᤐᤡᤖᤢᤖᤥ॥”

Read ᤕᤢᤜᤢᤴᤏᤠ 8ᤕᤢᤜᤢᤴᤏᤠ 8
Compare ᤕᤢᤜᤢᤴᤏᤠ 8:4-18ᤕᤢᤜᤢᤴᤏᤠ 8:4-18