ᤕᤢᤜᤢᤴᤏᤠ 7:30-34

³⁰ᤕᤧᤛᤢᤖᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤸᤗᤧ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤋᤧᤶᤔᤠ ᤔᤧᤃᤥ᤺ᤳᤋᤢ. ᤁᤖ ᤀᤠᤳᤋᤡᤴᤜᤠ᤹ᤖᤧᤀᤠᤱ ᤂᤢᤏᤧ᤹ ᤔᤧᤴᤇᤢᤛ᤻ᤛᤢᤴᤗᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤢᤕᤧᤶᤔᤡᤴ ᤔᤧᤱᤃᤧᤳᤋᤣ ᤘᤕᤧᤖᤥ॥

³¹ᤜᤧᤰᤁᤣᤛᤠᤱ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤏᤛᤠ᤺ᤴ ᤔᤧᤈᤥᤃᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤋᤠ᤺ᤸᤗᤧ ᤁᤴ ᤔᤏᤠ᤺ᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤒᤡ᥅”

³²ᤔᤏᤠᤜᤠ᤹ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤫᤠ᤺ᤳᤋᤠᤱ ᤂᤢᤛ᤻ᤂᤢᤛ᤻ ᤗ᤹ᤖᤡᤰ ᤔᤧᤒᤠᤖᤧᤒᤠ ᤑᤖᤡᤛᤡᤜᤠ᤹ᤖᤧ ᤔᤧᤄᤧᤵᤛᤢᤖᤥ ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤑᤖᤡᤛᤡᤜᤠ᤹ᤖᤧ ᤔᤠᤱᤜᤡᤶᤔᤥᤒᤠ ᤋᤡᤗᤡᤱᤃᤠᤜᤠ᤹ ᤂᤢᤏᤧ᤹ ᤁᤢᤍᤧᤶᤛᤧ ᤔᤧᤒᤠᤱᤄᤢᤛᤡ॥

³³ᤁᤖ ᤕᤧᤛᤢᤖᤧ ᤔᤧᤳᤋᤢᤛᤡ. “ᤀᤡᤱᤃᤠ᤹ᤃ ᤂᤡᤏᤡ᤹ᤏᤢ ᤛᤵᤑᤠᤖᤰ ᤁᤵᤔᤥ ᤘᤠ᤹ᤀᤠᤖᤥ ᤜᤧᤰᤁᤩᤠᤱ ᤕᤠᤵᤔᤡ ᤁᤧᤒᤠᤱᤒᤠᤸᤗᤥ ᤏᤢ᤺ᤱᤅᤠ ᤐᤣ᤺ᤰᤁᤠᤖᤥ॥

³⁴ᤂᤡᤏᤡ᤹ ᤕᤠᤵᤔᤡ ᤁᤧᤃᤥ᤺ᤳᤋᤡ᤹ ᤁᤖ ᤕᤠᤵᤔᤡ ᤁᤧᤱᤄᤥ᤺ᤛᤡᤴᤗᤥ ᤜᤧᤰᤁᤩᤠᤱ ᤀᤡᤱᤃᤠ᤹ ᤐᤣ᤺ᤰᤁᤠᤒᤠ ᤋᤧᤴᤏᤥᤀᤠᤱ ᤁᤧᤵᤔᤠ ᤁᤧᤴᤇᤢᤰᤋᤡᤸᤗᤥ॥”